ا ق ش باس پروكۋرورى رەسەي ەلشىسىمەن بايلانىستى داۋعا جاۋاپ قاتتى
ا ق ش- تا باس پروكۋرور ىشكى ىستەر مينيسترلىگىن دە باسقارادى جانە فەدەرالدىق تەرگەۋ بيۋروسىنىڭ (FBI) قىزمەتىن باقىلايدى. FBI قازىر رەسەيدىڭ ا ق ش- تاعى پرەزيدەنت سايلاۋىنا ىقتيمال كيلىگۋىن تەكسەرىپ جاتىر. كونگرەسمەندەردىڭ كوپشىلىگى، دەموكراتتار مەن رەسپۋبليكاشىلدار دا بىردەي باس پروكۋرور تەرگەۋگە باقىلاۋ جاساۋدان باس تارتۋى ءتيىس دەپ تالاپ ەتكەن.
كونگرەستىڭ قوس پالاتاسىنداعى دەموكراتيالىق پارتيا وكىلدەرى سەشنس سەناتتاعى تىڭداۋدا انت بەرگەندە جالعان سويلەدى دەپ، وتستاۆكاعا كەتۋگە اشىق شاقىرىپ جاتىر. سەناتتاعى تىڭداۋدا سەشنس سايلاۋالدى كامپانياسىندا رەسەي بيلىگىنىڭ ەشبىر وكىلىمەن كەزدەسپەگەنىن جانە ترامپتىڭ سايلاۋالدى شتابىنان كىمنىڭ مۇنداي بايلانىس ورناتقانىن بىلمەيتىنىن مالىمدەگەن.
1- ناۋرىزدا سەشنس Washington Post-تا ءوزىنىڭ كەزدەسۋى تۋرالى مالىمەت جاريالانعان سوڭ ۇستانىمىن وزگەرتكەن.
