جەرسەرىگى كاسپي تەڭىزىنەن گاۋھار تاسقا ۇقسايتىن مۇزدى ءتۇسىرىپ الدى
ونى نيلاس، ياعني جۇقا تەڭىز مۇزى قورشاپ تۇر. بۇل سۋرەت NASA-نىڭ جەر وبسەرۆاتورياسىنىڭ سايتىندا جاريالانعان. حابارلامادان ءمالىم بولعانىنداي، كاسپي تەڭىزىنىڭ سولتۇستىك بولىگىنىڭ وڭتۇستىگىنە قاراعاندا تۇزى از جانە سۋى دا جۇمساق. وسىعان قاراي تەڭىزدىڭ سولتۇستىك بولىگىنىڭ قىستا سۋىق اۋا تەمپەراتۋراسىنىڭ سالدارىنان قاتىپ قالۋ مۇمكىندىگى دە زور. تەڭىزدىڭ وتە تاياز جەرلەرىنە مۇز بارىنشا قالىڭ بولادى. «گاۋھار تاس» سىرت قاراعاندا تەڭىز مۇزدىعىنان ءبولىنىپ قالىپ، وزدىگىنەن قالقىپ جۇرگەندەي اسەر قالدىرادى، دەپ جازادى گازەتا. ru.
شىن سانىندە فرانسيالىق گەوفيزيكا جانە مۇحيت زەرتتەۋ زەرتحاناسىنىڭ وكىلى الەكسەي كۋرايەۆتىڭ ايتۋىنشا، مۇزدىڭ استىڭعى جاعى تەڭىزدىڭ تۇبىنە دەيىن بويلاپ تۇر. ال ونىڭ سۋ بەتىندە قالىپ تۇرعانداي اسەر قالدىرۋى مايدا مۇزداردىڭ اينالاسىنان جەلدىڭ كۇشىمەن ءوتىپ جاتۋىنا بايلانىستى.
