08:29, 03 - ناۋرىز 2017 | GMT +5
ۋنيۆەرسيتەتتىڭ بەس ستۋدەنتىن پىشاقتاپ كەتتى
استانا. قازاقپارات - پىشاقپەن قارۋلانعان قىلمىسكەر تولۋكا قالاسىندا مەحيكو شتاتى اۆتونومدىق ۋنيۆەرسيتەتىنىڭ (UAEM) دايىندىق كۋرسى ستۋدەنتتەرىنە شابۋىل جاساپ، بەس ادامدى جارالادى.
جوعارى وقۋ ورنىنىڭ رەكتورى حورحە ولۆەرا گارسيانىڭ ايتۋىنشا، بەتپەردە كيگەن قىلمىسكەر ساباق بىتەر الدىندا اۋديتورياعا كىرىپ كەلىپ، بىرنەشە وقۋشىعا پىشاق سۇققان. ولاردىڭ ءبارى امان، ومىرلەرىنە قاۋىپ ءتونىپ تۇرعان جوق.
شابۋىل جاساۋشى وقيعا ورنىنان تايىپ تۇرعان، ءقازىر ونى ءتيىستى ورىندار ىزدەستىرىپ جاتىر. قاشار الدىندا الگى قاسكۇنەم جاندىرعىش زات قۇيىلعان بوتەلكەنى لاقتىرىپ ۇلگەرگەن. كىشىگىرىم ءورت دەرەۋ ءسوندىرىلدى، دەپ جازادى rambler. ru.
