تايلاندتا قازاقستاننىڭ ترانزيتتىك مۇمكىندىگى تانىستىرىلدى
تايلاند كورولدىگىنىڭ ساۋدا مينيسترلىگى، تاي ونەركاسىپ فەدەراتسياسى، قازاقستاننىڭ تايلاندتاعى ەلشىلىگى ۇيىمداستىرعان شارادا 300 دەن استام ءارتۇرلى سالالاردىڭ كاسىپكەرلەرى باس قوستى، دەپ حابارلايدى «قازاقستان تەمىر جولى» ۇ ك» ا ق باسپا ءسوز قىزمەتى.
فورۋمدا قازاقستان مەن تايلاند ساۋدا ينۆەستيتسيالىق سەرىكتەستىگى، شىعىس پەن باتىس، سولتۇستىك پەن وڭتۇستىك اراسىنداعى ترانزيتتىك حابى رەتىندەگى قازاقستاننىڭ كولىكتىك-لوگيستيكالىق مۇمكىندىگى تانىستىرىلدى. تاي رەسمي تۇلعالارى جانە بيزنەس قاۋىمداستىعى نۇرسۇلتان نازاربايەۆتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىنان تۋىنداعان ەلدەگى بيزنەس احۋالىن جاقسارتۋ جانە ساۋدا-ەكونوميكالىق، كولىكتىك بايلانىستاردىڭ جاڭا مۇمكىندىكتەرى تۋرالى پىكىر الماستى.
سونداي-اق القالى جيىندا قازاقستاننىڭ كولىكتىك-لوگيستيكالىق مۇمكىندىكتەرى مەن ەل اۋماعى ارقىلى وتەتىن حالىقارالىق كولىكتىك دالىزدەردىڭ الەۋەتى كورسەتىلدى. «ق ت ج» ۇ ك» ا ق ەۋرازيالىق قۇرلىقتىق باعداردا ليانيۋنگان پورتىندا جۇكتەردى شوعىرلاندىرۋدىڭ ينفراقۇرىلىمى مەن وڭتۇستىك-شىعىس ازيا تۇراقتى ساۋدا لوگيستيكالىق سەرىكتەستىگىن دامىتۋعا زور كوڭىل بولۋدە»، - دەپ اتاپ ءوتتى «KTZ Express» ا ق اتقارۋشى ديرەكتورى سەرگەي اناشكين.
بۇگىنگى تاڭدا وڭتۇستىك-شىعىس ازيا ەلدەرىمەن قازاقستاندى جالعايتىن ليانيۋنگان پورتىنداعى قازاقتان-قىتاي تەرمينالى، «قورعاس-شىعىس قاقپاسى» ا ە ا ازيا مەن ەۋروپانىڭ الەمدىك ەكونوميكالىق پوليۋستەرىنىڭ جۇك اعىندارىن تىكەلەي باعدارمەن وتكىزەدى. وسىعان بايلانىستى وڭتۇستىك شىعىس ازيا بيزنەسمەندەرىنە قىتايدان 6 كۇننەن (Rail Air ارالاس تاسىمالى) 16 كۇندە باتىس ەۋروپاعا (CBT - Container Block Trains) جەتكىزەتىن كونتەينەرلىك تەمىرجول تاسىمالىن پايدالانۋ ۇسىنىلدى.
س. اناشكين تايلاند بيزنەسمەندەرى مەن لوگيستيكالىق بيزنەس وكىلدەرىن جاڭا جىبەك جولى، سونداي-اق «قورعاس-شىعىس قاقپاسى» ا ە ا لوگيستيكالىق جانە يندۋستريالىق جوبالارىنا قاتىسۋعا شاقىردى.
ول ەكى ەل اراسىنداعى ساۋدا الەۋەتىن كەڭەيتۋگە، سونىمەن قاتار ەۋرازيالىق قۇرلىقتاعى سەرىكتەس ەلدەرمەن لوگيستيكالىق قاتىناستىڭ دامۋىنا ىقپال ەتەدى. فورۋم سوڭىندا تاراپتاردىڭ ۋاعدالاستىعىمەن قازاقستانداعى «ەكسپو-2017» حالىقارالىق كورمەسىنە تاي ەلىنىڭ التى ساۋدا ينۆەستيتسيالىق دەلەگاتسياسى قاتىساتىن بولدى. سونداي-اق ولار قازاقستاندا بيزنەس جۇرگىزۋ مەن ينۆەستيتسيالاۋدىڭ پراكتيكالىق تارتىبىمەن تانىسادى.
