يران ەل استاناسىن اۋىستىرۋى مۇمكىن

استانا. قازاقپارات - يران ماجىلىسىنىڭ 73 دەپۋتاتى جوعارعى كوشباسشى اياتوللا الي حامەنەيگە ەل استاناسىن تەگەراننان باسقا قالاعا اۋىستىرۋعا شاقىرعان ۇندەۋ جولدادى، دەپ حابارلايدى انادولاۋ اگەنتتىگى.

دەپۋتاتتار ءوز ۇندەۋلەرىندە قورشاعان ورتانىڭ لاستانۋىنا، كولىك كەپتەلىستەرىنە جانە تەگەراندا حالىقتىڭ كوپتىگىنە باسا نازار اۋدارعان. تەگەراننان استانانى اۋىستىرۋ جونىندەگى زاڭ جوباسىن پارلامەنت 2013-جىلدىڭ جەلتوقسانىندا بەكىتكەن بولاتىن، ءبىراق ول قاعاز جۇزىندە قالدى.

بۇدان باسقا دەپۋتات ابۋلفازل ابۋتۋرابي وسى جىلعى قاڭتاردا تەگەرانداعى بيزنەس- ورتالىقتاردىڭ بىرىندە بولعان، 26 ادامنىڭ ءومىرىن قيىپ كەتكەن ءورت جايلى ەسكە سالدى.

«بۇل ءورت تەگەرانداعى قۇرىلىس سالاسىنداعى كۇردەلى ماسەلەنىڭ ءبىر ايعاعى»، - دەدى ابۋتۋرابي. ونىڭ ايتۋىنشا، يراننىڭ جوعارعى كوشباسشىسى بۇل جاعدايعا جەتكىلىكتى كوڭىل بولمەيدى.