دۋشانبەدە قانىش ساتبايەۆقا ەسكەرتكىش تاقتا ورناتىلادى
ەلشىلىك باسپا ءسوز قىزمەتىنىڭ حابارلاۋىنشا، سەيتىموۆ كەزدەسۋ بارىسىندا قازاقستاننىڭ قازىرگى كەزەڭدەگى دامۋىنىڭ نەگىزگى باسىمدىقتارى جايىندا كەڭىنەن ءسوز قوزعادى. سونىمەن قاتار قازاقستانداعى بيلىك تارماقتارى اراسىنداعى وكىلەتتىكتەردى قايتا ءبولۋ ماسەلەلەرى جونىندەگى ق ر پرەزيدەنتى نۇرسۇلتان نازاربايەۆتىڭ حالىققا ۇندەۋى مەن «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىنىڭ نەگىزگى مازمۇنىمەن تانىستىردى.
اڭگىمەلەسۋ بارىسىندا تاراپتار ەكى ەل عالىمدارىنىڭ عىلىمي ماڭىزدى ورتاق زەرتتەۋلەرى جايىندا پىكىر الماستى. وسى ورايدا راحيمي تاجىكستاننىڭ استروفيزيكا جانە سەيسمولوگيا سالاسىندا ۇلكەن تاجىريبەسى بار ەكەنىنە نازار اۋدارتتى.
ال قازاقستان ەلشىسى ايگىلى گەولوگ، قازاق ك س ر عىلىم اكادەمياسىنىڭ نەگىزىن قالاۋشى، تاجىك ك س ر عىلىم اكادەمياسىنىڭ تۇڭعىش قۇرمەتتى مۇشەسى قانىش ساتبايەۆتىڭ تاجىك ك س ر عىلىم اكادەمياسىن اشۋعا تىكەلەي اتسالىسقانىن باسا ايتتى.
سوندىقتان سەيتىموۆ فارحود راحيميگە باۋىرلاس مەملەكەتتىڭ جاس ۇرپاقتارى اكادەميك قانىش ساتبايەۆتى ماڭگى ەستە ساقتاۋى ءۇشىن تاجىكستان عىلىم اكادەمياسى عيماراتىنا عالىمنىڭ ەسكەرتكىش تاقتاسىن ورناتۋ تۋرالى ۇسىنىس جاساپ، ول قولداۋ تاپتى.
سۇحبات سوڭىندا قازاقستاندىق ديپلومات فارحود راحيميگە كەزدەسۋ ءۇشىن العىسىن ءبىلدىرىپ، قازاقستان مەن تاجىكستاننىڭ عىلىم سالاسىنداعى ىنتىماقتاستىعىنىڭ ودان ءارى نىعايۋىنا سەنىمىن ءبىلدىردى.
اۆتور: مارلان جيەمباي
