قازاقستاننىڭ بوكسشى قىزدارى استانادا كۇش سىناسادى

استانا. قازاقپارات - بۇگىن قازاقستان بوكس فەدەراتسياسى اتقارۋشى كوميتەتىنىڭ بيۋرو وتىرىسى ءوتىپ، وندا قىزدار اراسىندا بوكستان ەل چەمپيوناتىن استانادا وتكىزۋ تۋرالى شەشىم قابىلداندى، دەپ حابارلايدى قازاقپارات.

فەدەراتسيا مالىمەتىنشە، ەل چەمپيوناتىن وتكىزۋگە  قىزىلوردا قالاسى دا ۇمىتكەر بولعان. دەگەنمەن اتقارۋشى كوميتەت مۇشەلەرى ءبىراۋىزدان ەلورداعا داۋىس بەرگەن. وسىلايشا قىزدار اراسىندا بوكستان قازاقستان چەمپيوناتى 3-9- مامىر ارالىعىندا «داۋلەت» سپورت كەشەنىندە وتپەك.

«توكيو وليمپيادالىق سيكلى باستالدى. ال بوكستان ەرلەردىڭ دە، قىزداردىڭ دا قۇراماسى جاڭارىپ، وتكىر سپورتتىق باسەكە كەزەڭىن باستان كەشىرۋدە. باپكەرلەر بارلىق قىزداردىڭ مۇمكىنشىلىكتەرىن باعالاپ، شىن مانىندە الەۋەتى زور سپورتشىلاردى تاڭداپ الىپ، الداعى 4 جىل سولارمەن ءجۇمىس ىستەۋى ءتيىس. دەمەك، بۇل چەمپيونات كوماندا ءۇشىن ايقىنداۋشى شارا بولماق. بۇعان قوسا، تاياۋ ايدىڭ ىشىندە حالىقارالىق وليمپيادا كوميتەتى وليمپيادا ويىندارىندا قىزداردىڭ سالماق ساناتىن كەڭەيتۋ تۋرالى شەشىم قابىلدايدى. قازىرگى ۋاقىتتا بار 51, 60 جانە 75 كەلى سالماق ساناتىنا تاعى 57 جانە 59 كەلى سالماق ساناتتارى قوسىلادى. سوندىقتان ءبىز بۇل ساناتتاعى كوشباسشىلاردى ىرىكتەپ الۋعا ءتيىسپىز»، - دەدى بوكستان مەملەكەتتىك جاتتىقتىرۋشى، ق ب ف- نىڭ ەلشىلىك جارىستاردىڭ ۇيلەستىرۋشىسى بولات ءابدىراحمانوۆ.

اۆتور: مارلان جيەمباي