قازاقستاننان قاشىپ كەتكەن وليگارح شەتەلدە قالاي ءومىر ءسۇرىپ جاتىر؟ - فوتو
وعان حالىقارالىق ىزدەۋ جاريالانعان.
ەكس-شەنەۋنىك قازاقستاندا بولىپ جاتقان جايتتارعا قاتىستى Facebook جەلىسىندە بەلسەندى پىكىر قالدىرىپ وتىرادى. سوڭعى جازباسىندا ول قازاقستاندىق جۋرناليستەردىڭ استانادا پوليتسەيلەرگە قىر كورسەتكەن جاستاردى «دوكەيلەردىڭ بالاسى» دەپ اتاعانىن تۇسىنە المايتىنىن جازعان.
«مەنى دە دوكەيلەردىڭ بالاسى قاتارىنا جاتقىزۋعا بولاتىن شىعار؟ اكەم - مەملەكەتتىك جوسپاردىڭ ءتوراعا ورىنباسارى. اتا-انامنىڭ ورتاق جالاقىسى - 800 رۋبل. ەكەۋى دە عىلىم كانديداتتارى بولعان. سول كەزدە جۇرگىزۋشىنىڭ ءوزى 1000 رۋبل تاباتىن... وتباسىمدا 1000 رۋبلدان ارتىق اقشا جينالعان ەمەس. وزىمدە تەك ءبىر عانا كوستيۋم بولاتىن. ەسەسىنە اتا-انام مەنى ءومىر بويى كىتاپ وقۋعا ىنتالاندىراتىن»، - دەپ جازعان تۇرسىنبايەۆ.
«قازىر دە مەن تانىمال ادامدارىڭ بالالارىن جەلىدەن كورىپ ءجۇرمىن. ءبارى قاراپايىم، ءبىلىمدى ادامدار. كيىمىنەن دە ايتارلىقتاي ايىرماشىلىق كورمەدىم»، - دەپ «دوكەيلەردىڭ بالاسىن» جاقتادى ول.
«ەندى كەز كەلگەن بۇزاقى دوكەيدىڭ بالاسى بولىپ شىعا كەلەدى. ءبىز ەشقاشان ەشكىمگە، اسىرەسە پوليتسەيلەرگە قىر كورسەتكەن ەمەسپىز»، - دەپ رەنىشىن ءبىلدىردى قاشىپ كەتكەن شەنەۋنىك.
كاناداعا جەتە سالىسىمەن شاراپ قويماسى، باس اسپازى، اس ءۇيى، كىتاپحاناسى بار 3,6 ميلليون دوللارلىق ۆيللا ساتىپ العان ەكس-شەنەۋنىك ايەلىمەن، 15 جاستاعى ۇلىمەن جانە التى جاستاعى قىزىمەن شالقىپ تۇرىپ جاتىر. رۇستەم تۇرسىنبايەۆتىڭ اراب امىرلىكتەرىندە جىلجىمايتىن مۇلكى دە بار دەسەدى.
رۇستەم تۇرسىنبايەۆ زاڭسىز تابىستاردى زاڭداستىرىپ، اقشا جىمقىردى، قىلمىستىق توپ قۇرىپ، جالعان قۇجاتتار ازىرلەدى دەپ ايىپتالۋدا. 2011-جىلدىڭ تامىزىندا ينتەرپول رۇستەم تۇرسىنبايەۆتى «قىزىل تسيركۋليارعا» ەنگىزدى، ال 2012-جىلدىڭ اقپانىندا ول تورونتو جانە كانادا شەكارا قىزمەتى اگەنتتىگىنىڭ پوليتسياسىمەن قاماۋعا الىنعان بولاتىن.
تۇرسىنبايەۆتىڭ ايەلىنە جانە وزىنە 48 ميلليون دوللار اۋدارعانى انىقتالدى.
سوت وتىرىسى الدىندا تۇرسىنبايەۆ باسى اينالىپ، جۇرەگى اۋىرىپ تۇرعانىن العا تارتىپ، سوت كەيىنگە قالدىرىلعان. كەيىن كانادا سوتى قاشقىن شەنەۋنىككە تاعىلعان كوپتەگەن ايىپتاردى الىپ تاستادى.
