قازاقستان شوۋ-بيزنەسىنە جاڭا ءانشى قوسىلدى

استانا. قازاقپارات - سوڭعى جىلدارى ەلىمىزدە شاشىن ءتۇرلى تۇسكە بوياپ، وزگەشە ستيلدە ءان ايتاتىندار كوبەيگەن.

ەندى ولاردىڭ قاتارىن تاعى ءبىر ءانشى تولىقتىرماق.

بۇل تۋرالى Stan.kz حابارلايدى.

بۇرىن «پەرتسى» توبىندا ءان سالىپ، كەيىننەن پروديۋسەرلىككە بەت بۇرعان ەرلان ءالىموۆ جاڭا جوباسىن تانىستىردى.

«زيرۋزا - وتاندىق شوۋ-بيزنەستەگى جاڭا ەسىم. ءبىز جۇمىستى باستايمىز. الدا ءبىزدى ۇزاق ءارى ءونىمدى ەڭبەك جولى كۇتىپ تۇر دەپ سەنەمىن. بارلىعى ەندى باستالۋدا. بىزگە ساتتىلىك تىلەيمىن. جاقىندا جاڭا اندەر مەن قىزىقتار كۇتىڭىزدەر»، - دەپ جازادى ءالىموۆ.

زيرۋزا ەسىمدى تالانتتى قىزدى الىموۆكە جۇبايى تاۋىپ بەرگەن.

«زيرۋزانى عالامتوردان مەنىڭ جۇبايىم سابونيا تاپتى، ءبىز بىرگە جۇمىس ىستەيمىز دەپ شەشتىك. ماعان كومەك كورسەتكەنىڭ ءۇشىن راحمەت ساعان، جانىم. قازىر كوز الدارىڭىزدا كورىپ تۇرعاندارىڭىزدىڭ ءبارى سابونيانىڭ ارقاسى. شاشتىڭ مىنا ءتۇسى مەن فوتوگراف باۋىرجاندى دا سابونيانىڭ ءوزى تاپتى»، -  دەپ ءتۇسىندىردى پروديۋسەر.