استانادا ايەلى سوتتالعان كۇيەۋىنە پاترون وتكىزۋگە تىرىسقان

استانا. قازاقپارات - استانادا كۇيەۋىنە كەزدەسۋگە كەلگەن ايەلدەن ماكاروۆ تاپانشاسىنىڭ 17 پاترونىن تاركىلەدى، دەپ حابارلادى ق ر ۇلتتىق گۆاردياسى باسپا ءسوز قىزمەتىنە سىلتەمە جاساپ.

1- ناۋرىزدا ە ت س-166/10 مەكەمەسىندە 6636-اسكەري ءبولىمىنىڭ باقىلاۋشىسى ز. بەكسارينوۆا كۇيەۋىنە كەزدەسۋگە كەلگەن ايەلىن تەكسەرۋ بارىسىندا 9 م م كاليبرلى 17 پاترون تاركىلەدى. وقيعا ورنىنا جەدەل تەرگەۋ توبى كەلدى. ونىڭ كۇيەۋى كولونيادا قاراقشىلىعى ءۇشىن جازاسىن وتەۋدە.

ءتۇرلى باپ بويىنشا 9 جىلعا سوتتالعان. ونىڭ ىشىندە قارۋدى، وق-دارىلەرى، جارىلعىش زاتتاردى زاڭسىز ساتۋ، ساتىپ الۋ، ساقتاۋ، وتكىزۋ، تاسىمالداۋدى كوزدەيتىن 287-باپ تا بار. جازاسىن وتەۋشى ۇ ق ت قۇرامىنا كىردى. اتالمىش فاكتى بويىنشا قىلمىستىق ءىس قوزعالدى.

ءمان-جايدى تەرگەۋ انىقتايدى. سول كۇنى وسىنداي جاعداي و ۆ-156/3 (وسكەمەن ق) مەكەمەسىندە دە ورىن الدى. سوتتالعان اعاسىنا كەزدەسۋگە كەلگەن ايەلدى تەكسەرۋ كەزىندە شۇلىعىنان 12000 تەڭگە تابىلدى.