قىتايلىق ايەل ۇل تاۋىپ، التى كۇننەن كەيىن ەگىز قىز بوسانعان
ايەل ادام 2012 -جىلى تۇرمىس قۇرعان، ءبىراق، ۇزاق ۋاقىت بالا كوتەرە الماي جۇرەدى. 2016 -جىلدىڭ تامىزىندا ۋحان قالاسىندا ەمدەلەدى. وسىدان كەيىن ول ۇشەمگە جۇكتى بولعان. 21 -اقپاندا ايەل 1,44 كەلى بولاتىن ۇل بالانى دۇنيەگە اكەلەدى، الايدا تولعاعى وسىمەن توقتاپ قالعان. ايەلدىڭ دارىگەرى جۇكتىلىك جالعاسىپ جاتىر دەگەن شەشىمگە كەلەدى. 27 -اقپاندا ايەل تاعى دا بوسانىپ، ەگىز قىز تۋعان.
«بالا كوتەرە الماي جۇرگەندە ءسابيلى بولۋدى ارماندادىم. قازىر مەنىڭ ءۇش بالام بار، ەندى نە ىستەرىمدى بىلمەي داعدارىپ وتىرمىن»، - دەيدى ۇشەمنىڭ اناسى. قازىرگى كەزدە بالالار جانساقتاۋ بولىمىندە. اكۋشەر جۇمىس ىستەپ كەلە جاتقان 20 جىلىندا مۇندايدى العاش كورىپ وتىرعانىن ايتادى. اكۋشەردىڭ سوزىنشە، ايەل ديزگوتتى ۇشەمگە جۇكتى بولعان، ياعني، ۇل بالا قىزداردان بولەك شارانادا جەتىلگەن.
