13:01, 02 - ناۋرىز 2017 | GMT +5
اتىراۋدا «استانا ارلاندارى» مەن «قىتاي ايداھارلارى» كەزدەسەدى
استانا. قازاقپارات - بۇكىل الەمدىك بوكس سەرياسىندا (WSB) كەزدەسەتىن «استانا ارلاندارى» مەن «قىتاي ايداھارلارى» اراسىنداعى بوكس كەشىندە جۇدىرىقتاستان بوكسشىلاردىڭ ءتىزىمى بەلگىلى بولدى، - دەپ حابارلايدى Vesti.kz پورتالى.
«استانا ارلاندارى» مەن «قىتاي ايداھارلارى» اراسىنداعى كەزدەسۋ 4 -ناۋرىزدا اتىراۋ قالاسىندا وتەدى. جەكپە-جەكتەر استانا ۋاقىتىمەن 18:00-دە باستالادى. 49 كەلى: تەمىرتاس ءجۇسىپوۆ - دزيۋندزيۋن حە 56 كەلى: ءىلياس سۇلەيمەنوۆ - لۋن ۆان 64 كەلى: ءدىلمۇرات ميجيتوۆ - يان ليۋ 75 كەلى: ساپارباي ايداروۆ - مينگان جاۋ 91 كەلى: انتون پينچۋك - سەرگەي نوۆيكوۆ. ايتا كەتەيىك، قىتاي كومانداسىنا قارسى شىعاتىن «استانا ارلاندارى» بيىلعى جوباداعى ءۇشىنشى كەزدەسۋىن وتكىزبەك. بۇعان دەيىن ەلوردالىق كلۋب «وزبەك جولبارىستارى» مەن «رەسەي پاتريوتتارى» كوماندالارىمەن كەزدەسىپ، جەڭىسكە جەتكەن ەدى.
