ديماشتىڭ سۋرەتى شەتەلدىك جۋرنالدىڭ مۇقاباسىنا باسىلدى - فوتو

استانا. قازاقپارات - قازاقستاندىق ءانشى ديماش قۇدايبەرگەننىڭ سۋرەتى مۇقاباسىنا جاريالانعان قىتايلىق Men's Health جۋرنالىنىڭ ناۋرىز ايىنداعى سانى ساتىلىمعا شىقتى، دەپ حابارلايدى قازاقپارات.

جۋرنال قىتايدىڭ ينتەرنەت دۇكەندەرىندە 1 - ناۋرىزدان باستاپ ساتىلا باستادى. ونىڭ ءبىر داناسىنىڭ باعاسى 20 يۋان (920 تەڭگە). ديماشتىڭ جانكۇيەرلەرى جۋرنالدى بەلسەندى تۇردە ساتىپ الىپ جاتىر، دەپ حابارلايدى قىتايلىق ب ا ق.

 ايتا كەتەرلىگى، ديماش جۋرنالدىڭ فوتوسەسسياسىندا Mitsubishi اۆتوكولىگىنىڭ جارناماسىن جاساعان. Men's Health جۋرنالى - قىتايدىڭ Fashion media كومپانياسىنىڭ امەريكالىق Rodale Group كومپانياسىمەن بىرلەسىپ شىعاراتىن اي سايىنعى ەرلەر جۋرنالى. بۇندا ەرلەردىڭ دەنساۋلىعى، تۇرمىستىق كەڭەستەر، ءسان جانە مودا، سپورت جانە ماشينا سياقتى مازمۇنداعى ماتەريالدار باسىلادى. قىتايدا العاشقى سانى 2003 -جىلى مامىر ايىندا جارىق كورگەن.

 اۆتور: مۇحتار قاليموللا ۇلى