جۇزۋدەن ازيادا جۇلدەگەرلەرى ۇلتتىق وليمپيادا كوميتەتىنىڭ پرەزيدەنتىنەن كومەك سۇرادى

استانا. قازاقپارات - سينحروندى جۇزۋدەن قازاقستان قۇراماسىنىڭ بۇرىنعى مۇشەلەرى بۇگىن الماتىدا باسپا ءسوز ءماسليحاتىن وتكىزىپ، ۇلتتىق وليمپيادا كوميتەتىنىڭ پرەزيدەنتى تيمۋر قۇلىبايەۆتان كومەك سۇرادى.

ولار قازاقستان سينحروندى ءجۇزۋ قۇراماسىنىڭ باس باپكەرى جاننا دەمچەنكونىڭ جۇمىسىنا كوڭىلدەرى تولمايتىنىن ايتادى.

- 2013 -جىلى بارسەلونادا (يسپانيا- رەد. ) وتكەن الەم چەمپيوناتىنا بارعاندا تاماعىمىزدىڭ ءوزىمىز الدىق. ۆيزا مەن ساقتاندىرۋ قۇجاتتارىن دا ءوزىمىز تولەدىك. 2006 جانە 2010 -جىلى ازيا ويىندارىندا قولا مەدال الدىق. ءبىراق قولا مەدال ءۇشىن بەرىلەتىن سىياقىنى المادىق. جارىستارعا كيەتىن كوستيۋمدەردى دە ءوزىمىز ساتىپ الدىق. ولاردىڭ قۇنى 200-400 دوللار تۇرادى. قازاقستان قۇراماسىنىڭ باس باپكەرى جاننا دەمچەنكو بارلىعىن ءوزى رەتتەپ وتىردى. قازاقستان سينحروندى ءجۇزۋ قۇراماسىنىڭ ناتيجەسى 2013 -جىلمەن سالىستىرعاندا ەش وزگەرگەن جوق. سوندىقتان قازاقستانداعى سينحروندى ءجۇزۋ سپورتىن قۇتقارۋ ءۇشىن تيمۋر قۇلىبايەۆتان كومەك سۇرايمىز، - دەيدى سپورتشىلاردىڭ ءبىرى امينا ەرماحانوۆا.

سينحروندى جۇزۋدەن قازاقستان قۇراماسىنىڭ ەكس- مۇشەسى امينا ەرماحانوۆا الماتىدا وتكەن باسپا ءسوز ءماسليحاتىندا. 1- ناۋرىز 2017 -جىل.

سپورتشىلار وسى ىسكە قاتىستى قازىر جەمقورلىققا قارسى ءىس-قيمىل اگەنتتىگى تەكسەرىس جۇرگىزىپ جاتقانىن ايتتى.

ءتىلشى سينحروندى جۇزۋدەن قازاقستان قۇراماسىنىڭ باس باپكەرى جاننا دەمچەنكوعا بىرنەشە رەت حابارلاسقانىمەن تەلەفون قوڭىراۋىنا جاۋاپ بەرمەدى.

ال، قازاقستان مادەنيەت جانە سپورت ءمينيسترى ارىستانبەك مۇحامەدي ۇلى الەۋمەتتىك جەلىدە بۇل ءىستىڭ تەكسەرىلەتىنىن جازعان.

ازاتتىق