الماتىدا ايگىلى سەگىز اقىن- جازۋشىعا ارنالعان كورمە اشىلدى

استانا. قازاقپارات - الماتىداعى مەملەكەتتىك ورتالىق مۋزەيدە كەشە قازاقستاننىڭ تانىمال سەگىز اقىن- جازۋشىسىنا ارنالعان «حالىق جۇرەگىندەگى قالامگەرلەر» اتتى كورمە اشىلدى.

بيىل ەلدە مۇحتار اۋەزوۆتىڭ 120 جىلدىق، عابيت مۇسىرەپوۆ پەن عابيدەن مۇستافيننىڭ 115 جىلدىق، ديحان ابىلەۆ پەن عالي ورمانوۆتىڭ 110 جىلدىق، ءادي ءشارىپوۆتىڭ 105 جىلدىق جانە ءازىلحان نۇرشايىقوۆ پەن سافۋان شايمەردەنوۆتىڭ 95 جىلدىق مەرەيتويلارى اتاپ وتپەك.

كورمەگە اتالعان اقىن- جازۋشىلاردىڭ ومىرىنەن سىر شەرتەتىن جۇزدەگەن زاتتار قويىلعان. ولاردىڭ اراسىندا قالامگەرلەردىڭ جەكە زاتتارى، كىتاپتارى، ناگرادالارى، پورترەتتەرى، افيشالار، ولاردىڭ شىعارمالارىنا جازىلعان يلليۋستراتسيالار بار.

كورمەنىڭ اشىلۋىنا اقىن- جازۋشىلاردىڭ تۋىستارى دا قاتىستى. اتاپ ايتقاندا، مۇحتار اۋەزوۆتىڭ ۇلى مۇرات، سافۋان شايمەردەنوۆتىڭ جارى باعدات پەن قىزى ينديرا، ءادي ءشارىپوۆتىڭ زايىبى كلارا، عابيدەن مۇستافيننىڭ قىزى جانار جانە باسقالار بولدى.

مەملەكەتتىك ورتالىق مۋزەيدەگى بۇل كورمە حالىقارالىق پەن- كلۋبتىڭ 48-كونگرەسىنىڭ (1986 -جىلعى قاڭتارداعى) شەشىمىنە ساي ناۋرىزدىڭ 3- كۇنى اتاپ وتىلەتىن دۇنيەجۇزىلىك جازۋشىلار كۇنى قارساڭىندا اشىلىپ وتىر. جازۋشىنىڭ حالىقارالىق بەيبىتشىلىك كۇنى دەگەن رەسمي اتاۋعا يە بۇل كۇندى كەيبىر ەلدەردە جاي عانا جازۋشى كۇنى دەپ اتايدى.

«ازاتتىق»