قازاقستاندا كوكتەمگى مەزگىلدە اۋىر سالماقتى اۆتوكولىكتەردىڭ قوزعالىسىنا شەكتەۋ ەنگىزدى
دەپ حابارلايدى ق ر ينۆەستيتسيالار جانە دامۋ مينيسترلىگىنىڭ باسپا ءسوز قىزمەتى.
«ۋاقىتشا شەكتەۋلەر IV جول- كليماتتىق ايماققا (اقمولا، اقتوبە، شىعىس قازاقستان، باتىس قازاقستان، قاراعاندى (قاراعاندى ءوڭىرى)، قوستاناي، پاۆلودار، سولتۇستىك قازاقستان وبلىستارى) - ءتيىستى جىلدىڭ 23 - ناۋرىزىنان 1 - مامىر ارالىعىندا، V جول- كليماتتىق ايماققا (الماتى، اتىراۋ، جامبىل، قاراعاندى (جەزقازعان اۋماعى) ، قىزىلوردا، ماڭعىستاۋ، وڭتۇستىك قازاقستان وبلىستارى) - ءتيىستى جىلدىڭ 1 - ناۋرىزىنان 1 - ءساۋىر ارالىعىندا ارەكەت ەتەدى»، - دەلىنگەن حابارلامادا.
ەنگىزىلەتىن ۋاقىتشا شەكتەۋلەر كەزەڭىندە اۆتوكولىك قۇرالدارىنىڭ دارا، قوسارلانعان جانە ۇشتىك بىلىكتەرىنە تۇسەتىن جۇكتەمەلەرى «قازاقستان رەسپۋبليكاسىنىڭ جالپى پايدالانىمداعى رەسپۋبليكالىق ماڭىزى بار اۆتوموبيل جولدارى بويىنشا اۆتوكولىك قۇرالدارىنىڭ قوزعالىسىن ۇيىمداستىرۋ تۋرالى» قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ 2013 -جىلعى 11 - ناۋرىزداعى № 162 بۇيرىعىمەن انىقتالعان ماندەرىنەن اسپاۋى ءتيىس.
شەكتەۋلەر حالىقارالىق كەلىسىمدەرگە سايكەس جۇكتەردىڭ جانە جولاۋشىلاردىڭ حالىقارالىق تاسىمالدارىن، توتەنشە جاعدايلاردى جويۋ جانە الدىن الۋ جونىندەگى ءىس- شارالارىن، زارداپ شەككەن ادامدارعا گۋمانيتارلىق كومەك كورسەتۋدى، ازىق- تۇلىكتەردى تاسىمالداۋدى، جولاۋشىلار مەن باگاج تاسىمالىن، ءدارى- دارمەكتەردى تاسىمالداۋدى جۇزەگە اسىراتىن، سونداي- اق، قايتا جاڭارتۋ جۇمىستارىن جۇرگىزۋ ءۇشىن مەردىگەر ۇيىمدارعا بەرىلگەن ۋچاسكەلەردەگى قولدانىستاعى جامىلعى بويىنشا جول- قۇرىلىس جۇمىستارىنا تارتىلعان اۆتوكولىك قۇرالدارىنا تاراتىلمايدى.
بۇل رەتتە، بەكىتىلگەن قازاقستان رەسپۋبليكاسىنىڭ اۆتوموبيل جولدارىمەن جۇرۋگە ارنالعان اۆتوكولىك قۇرالدارىنىڭ رۇقسات ەتىلگەن پارامەترلەرى ساقتاۋ مىندەتتى بولىپ تابىلادى.
سونداي- اق، كليماتتىق ايماعىنا بايلانىستى 2017 -جىلعى 1-ماۋسىمنان 1-قىركۇيەككە دەيىن اۋا تەمپەراتۋراسىنىڭ 25оС- دەن جوعارى بولۋى كەزىندە دارا بىلىككە تۇسەتىن جۇكتەمەسى 8 توننادان اساتىن كولىك قۇرالدارىنىڭ قوزعالىسىنا ۋاقىتشا شەكتەۋلەر ەنگىزىلەتىن قوسىمشا حابارلايمىز.
