وسكار سىيلىعىن تابىستاۋ كەزىندە اعاتتىق جىبەرگەندەر راسىمگە ەشقاشان قاتىستىرىلمايتىن بولدى

استانا. قازاقپارات - امەريكانىڭ كينواكادەمياسى وسكار سىيلىعىن تابىستاۋ كەزىندە كونۆەرتتەردى اۋىستىرىپ العاندارمەن ەندى قايتىپ جۇمىس ىستەمەيدى.

ۇيىمنىڭ پرەزيدەنتى شەريل بۋن ايزەكس وسىلاي ءمالىم ەتتى، دەپ حابارلايدى BBC اگەنتتىگى. داۋىستاردى ساناۋ جانە جەڭىمپازداردىڭ اتتارى جازىلاتىن كونۆەرت ازىرلەيتىن PriceWaterhouseCoopers (PWC) اۋديتور كومپانياسىمەن دە جۇمىس جاساۋ توقتاتىلادى. وسكار سىيلىعىن تابىستاۋ ءراسىمى كەزىندە بۇرىن- سوڭدى بولماعان ولقىلىق ورىن الدى. ۇزدىك فيلم اتالىمى بويىنشا «اي جارىعىنىڭ» ورنىنا ميۋزيكل «لا- لا لەند» جاريالانىپ كەتكەن ەدى. كەيىنىرەك بەلگىلى بولعانداي، اعاتتىقتىڭ ورىن الۋىنا PWC قىزمەتكەرلەرى برايان كۋللينان مەن مارتا رۋيز سەبەپشى بولعان.

ولاردىڭ ءارقايسىسى جەڭىمپازدار اتى جازىلعان بىرنەشە كونۆەرت بولعان. ياعني ءبىر كونۆەرت تابىلماي قالعان جاعدايدا ەكىنشىسىن پايدالانۋعا تۋرا كەلەدى. ەمما ستوۋنعا «ۇزدىك اكتريسا» اتالىمى بويىنشا وسكار تابىس ەتىلگەن سوڭ قوسىمشا كونۆەرت قاتەلىكتەن ۋوررەن بيتتيگە بەرىلگەن، ول «ۇزدىك فيلم» اتالىمى بويىنشا جەڭىمپازدى جاريالاۋى ءتيىس ەدى.

«مەن نە بولعانىن ايتىپ بەرەيىن. قاعازدا «ەمما ستوۋن. «لا- لا لەند» دەپ جازىلعان ەدى»، - دەپ اقتالدى اكتەر. «لا- لا لەند» فيلمىن تۇسىرۋشىلەر كوپشىلىك الدىندا العىس ايتىپ بولعاننان كەيىن، PriceWaterhouseCoopers قىزمەتكەرلەرى مەن سالتاناتتى ءراسىمدى ۇيىمداستىرۋشىلار ساحناعا شىعىپ ءتۇسىرىلىم توبى مەن اكتەرلەرگە جانە الەمگە اعاتتىقتىڭ ورىن العانىن حابارلادى.

اۆتور: جانىبەك امانگەلدى