الماتى تاۋلارىندا جاساندى قار كوشكىنى جۇرگىزىلدى - فوتو

استانا. قازاقپارات - ىلە الاتاۋىندا قار كوشكىنىن الدىن الا ءتۇسىرۋ جۇمىستارى جۇرگىزىلدى، دەپ حابارلايدى «قازسەلدەنقورعاۋ» م م.

«قار كوشكىنىنىڭ وزدىگىنەن تۇسۋىنە جول بەرمەۋ جانە ۇ ا ك- كوسموستانسيا اۆتوجولىندا دەمالۋشىلاردىڭ قاۋىپسىزدىگىن قامتاماسىز ەتۋ ماقساتىندا جانە «كازگيدرومەت» ر م ك- نىڭ ۇسىنىمى نەگىزىندە 1 -ناۋرىزدا «قازسەلدەنقورعاۋ» م م الماتى قالالىق پايدالانۋ باسقارماسىنىڭ ماماندارى «نارتاس» ج ش س مامانداندىرىلعان ۇيىممەن بىرلەسىپ №18-گايش كوشكىن جيناعىشىندا پروفيلاكتيكالىق قار كوشكىنىن ءتۇسىرۋدى جۇرگىزدى»، - دەلىنگەن حابارلامادا. تۇسىرىلگەن قار ماسساسىنىڭ ناقتى كولەمى 8500 تەكشە مەتردى قۇرادى.

قار كوشكىنى ۇ ا ك- كوسموستانتسيانىڭ شەگارالىق بەكەتىنەن جوعارى اۆتوجولدى جاۋىپ قالدى. كوسموستانسيانىڭ بۋلدوزەرى تازالاۋ جۇمىستارىن جۇرگىزدى. پروفيلاكتيكالىق قار كوشكىنىن ءتۇسىرۋ كەزىندە عيماراتتار مەن قۇرىلىستارعا زيان كەلگەن جوق.

زارداپ شەككەندەر جوق. قار كوشكىنىن الدىن الا ءتۇسىرۋ جۇمىستارىنا «قازسەلدەن قورعاۋ» م م، «نارتاس» ج ش س ماماندارى جۇمىلدىرىلدى. جۇمىستار الماتى قالاسى ت ج د، «قازگيدرومەت» ر م ك، «گەوگرافيا ينستيتۋتى» ج ش س، ق ر ءى ءى م ت ج ك ءو ج ق ج، ق ر ءى ءى م ت ج ك «اپاتتار مەديتسيناسى ورتالىعى» م م وكىلدەرىنىڭ باقىلاۋمەن جانە قاداعالاۋمەن جۇرگىزىلدى.