قىزىلوردا وبلىسىندا اۋرۋحانانىڭ باس دارىگەرى سوتتالدى
وبلىستىق پروكۋراتۋرا باسقارماسىنىڭ باسشىسى نۇرلان قاليەۆتىڭ ايتۋىنشا، سوتتالۋشى ءوز كىناسىن تولىقتاي مويىنداعان. ول 500 مىڭ تەڭگە پارانى كولىك جۇرگىزۋشىسىنەن اۋداندىق ەمدەۋ مەكەمەلەرىنىڭ بىرىنە جۇمىسقا ورنالاستىرىپ بەرۋ ءۇشىن العان. قازالى اۋداندىق سوتى ايىپتالۋشىنىڭ باس بوستاندىعىن 5 جىلعا شەكتەي وتىرىپ، مەملەكەتتىك قىزمەتتە جۇمىس اتقارۋ قۇقىعىنان ءومىر بويىنا ايىردى، سونداي- اق ونىڭ دۇنيە- مۇلكى تاركىلەندى.
ۇكىم زاڭدى كۇشىنە ەنگەن جوق. وتكەن جىلى قىزىلوردا وبلىسىندا پارا الۋ فاكتىسى بويىنشا 16 لاۋىزىم يەسى سوتتى بولدى. ولاردىڭ اراسىندا وبلىستىق ريەۆيزيالىق كوميسسيانىڭ باس مامانى ر. قۋاڭبايەۆا 700 مىڭ تەڭگە كولەمىندە پارا العان. باسقالارى ەر ازاماتتار. بۇگىنگى كۇنى ولاردىڭ بەسەۋى تۇرمەدە جازالارىن وتەپ جاتسا، قالعان ونى 81 ميلليون تەڭگە كولەمىندە ايىپپۇل تولەگەن. سونداي- اق، بىرەۋىنىڭ ەركىندىگى شەكتەلگەن.
اۆتور: ەلۋباي اۋەزوۆ
