سولتۇستىك كورەيا كوشباسشىسىنىڭ اعاسىن ولتىرگەن ايەلدەر ءولىم جازاسىنا كەسىلەدى

 ەكى كەلىنشەك مالايزيا اۋەجايىندا كيم چون نامنىڭ بەتىنە ۋلى زات شاشىپ جىبەرگەن. بۇل حيميكات جۇيكە جۇيەسىنە قاتتى اسەر ەتەدى.

اۋەجايداعى بەينەجازبادا كيم چون نامعا ەكى كەلىنشەكتىڭ جاقىنداپ كەلىپ، بەتىنە الدەقانداي زات شاشىپ جىبەرگەنى تۇسىرىلگەن. چون نام 15-20 مينۋتتان كەيىن جان تاپسىرعان.

وسى ءىس بويىنشا ۇستالعان يندونەزيا ازاماتشاسى سيتي ايسيا: «ماعان وسى ويىنعا قاتىسۋ ءۇشىن 90 ا ق ش دوللارىن تولەدى. سودان كەيىن بالالارعا ارنالعان جاقپا مايدى كيم چون نامنىڭ بەتىنە شاشۋ كەرەكتىگىن ايتتى» - دەيدى.

 مالايزيا بيلىگى كيم چون نامنىڭ ولىمىنە ون ادامنىڭ قاتىسى بار دەپ وتىر. ولاردىڭ اراسىندا سولتۇستىك كورەيانىڭ كۋالا- لۋمپۋردەگى ەلشىلىگىنىڭ جوعارى لاۋازىمدى قىزمەتكەرى دە بار. كۇدىكتىلەردىڭ تورتەۋى سولتۇستىك كورەيانىڭ تىڭشىسى بولۋى مۇمكىن. 

كيم چون نام 13-اقپاندا قاستاندىقتان قازا تاپتى. ول سولتۇستىك كورەيانىڭ كوشباسشىسى كيم چەن ىننىڭ ۇلكەن شەشەدەن تۋعان اعاسى. 2000 -جىلداردىڭ باسىندا ول كيم چەن يردىڭ تاق مۇراگەرى سانالدى. الايدا اكەسىمەن جانجالداسىپ، ەلدەن كەتكەن بولاتىن.

سودان كەيىن كيم چون نام سولتۇستىك كورەياداعى رەجيمدى، بيلىكتىڭ مۇراگەرلىكپەن بەرىلۋىن سىناعان ەدى.

دەرەككوز: http://www.bbc.com/russian