سيرياعا قاتىستى سانكسيا بويىنشا بىرىككەن ۇلتتار ۇيىمىندا داۋىس بەرۋ كەزىندە قازاقستان قالىس قالدى

استانا. قازاقپارات - رەسەي مەن قىتاي بىرىككەن ۇلتتار ۇيىمى قاۋىپسىزدىك كەڭەسىنىڭ سيرياعا قارسى سانكسيا ەنگىزۋ تۋرالى رەزوليۋتسياسىن وتكىزبەدى، دەپ حابارلايدى lenta.ru.

Reuter اگەنتتىگىنىڭ حابارلاۋىنشا، باتىس مەملەكەتتەرى اراب رەسپۋبليكاسىن حيميالىق قارۋ قولداندى دەپ ايىپتادى.

قىتاي ءوز ۇستانىمىن فرانسيا مەن ۇلى بريتانيانىڭ رەزوليۋتسياسى ب ۇ ۇ- نىڭ جەنيەۆا الاڭىنداعى ءتۇرلى سيريالىق وپپوزيتسيا توپتارىنىڭ بايلانىسىن جاقسارتۋعا باعىتتالعان ارەكەتىنە نۇقسان كەلتىرەدى دەپ ءتۇسىندىردى.

قۇجاتتىڭ قابىلدانۋىنا بوليۆيا قارسى شىقتى، ال ەفيوپيا، مىسىر مەن قازاقستان قالىس قالدى.

رەسەي پرەزيدەنتى ۆلاديمير پۋتين سيرياعا قاتىستى جاڭا سانكسيالاردى قولدامايتىنىن ءمالىم ەتتى. «بۇل كەلىسسوزدەرگە كومەگى جوق، كەرىسىنشە كەدەرگى كەلتىرەدى نەمەسە وسى ۇدەرىسكە سەنىمدى جوعالتادى»، - دەدى ول.

اۆتور: جانىبەك امانگەلدى