التاي ابيبۋللايەۆ قازاقستاننىڭ پولشاداعى ەلشىسى قىزمەتىنەن بوساتىلدى
«مەملەكەت باسشىسىنىڭ جارلىعىمەن التاي يبراگيم ۇلى ابيبۋللايەۆ قازاقستان رەسپۋبليكاسىنىڭ پولشا رەسپۋبليكاسىنداعى توتەنشە جانە وكىلەتتى ەلشىسى قىزمەتىنەن بوساتىلدى»، دەلىنگەن حابارلامادا.
بۇعان دەيىن حابارلانعانداي، استانادا مەملەكەتتىك حاتشى گۇلشارا ءابدىقالىقوۆانىڭ توراعالىعىمەن وتكەن قازاقستان رەسپۋبليكاسىنىڭ پرەزيدەنتى جانىنداعى سىبايلاس جەمقورلىققا قارسى ءىس- قيمىل ماسەلەلەرى جونىندەگى كوميسسيا وتىرىسىندا قازاقستان رەسپۋبليكاسىنىڭ پولشاداعى توتەنشە جانە وكىلەتتى ەلشىسى ا. ابيبۋللايەۆتى مەملەكەتتىك قىزمەت تۋرالى زاڭنامانى بۇزعانى ءۇشىن تارتىپتىك جاۋاپكەرشىلىككە تارتۋ تۋرالى ماسەلە قارالعان بولاتىن. كوميسسيا وتىرىسىنىڭ قورىتىندىسى بويىنشا ا. ابيبۋللايەۆقا قىزمەتكە سايكەستىگىنىڭ تولىق ەمەستىگى تۋرالى ەسكەرتۋ تۇرىندەگى تارتىپتىك جازا قولدانۋ جونىندە مەملەكەت باسشىسىنا ۇسىنىس ەنگىزۋگە شەشىم قابىلداندى.
