قازاقستاندا يرانمەن بىرلەسكەن « حالال» زەرتحاناسى اشىلادى
دەپ حابارلايدى قازاقپارات ءتىلشىسى.
كونفەرەنسيادا بايانداما جاساعان ايان ەرەنوۆ يرانعا ازىق- تۇلىك جەتكىزگىسى كەلەتىن قازاقستاندىق كاسىپكەرلەرگە اتالعان ەل نارىعىنداعى ماڭىزدى تەتىككە ءمان بەرۋدى ەسكەرتتى. «حالال» سەرتيفيكاتسياسى يرانمەن اراداعى ساۋدا بايلانىسىندا، اسىرەسە، ازىق- تۇلىك بويىنشا اسا ءمان بەرەتىن دۇنيە. ونى كەدەرگى دەپ ايتۋعا بولمايدى، بۇل ستاندارت كەيدە تۇتىنۋشى تاراپىنان دۇرىس قابىلدانباي جاتادى. قازاقستاننان يرانعا ءونىمىن ەكسپورتتاعىسى كەلەتىن كومپانيالار « حالال» سەرتيفيكاتىن الۋى قاجەت. بۇل يراننىڭ ىشكى نارىعىن قورعاۋ جاعىنان جانە تۇتىنۋشى تاراپىنان ساپا كورسەتكىشىن انىقتاۋشى رەتىندە (تۇتىنۋعا بولاتىن، بولمايتىن - رەد) پايدالانىلاتىن وتە ماڭىزدى قۇرال. وسىنى ەسكەرۋ كەرەك.
قازىرگى ۋاقىتتا ءبىز يراننىڭ ساۋدا- ونەركاسىپ پالاتاسىمەن قازاقستاندا حالال سەرتيفيكاتىن بەرەتىن بىرىككەن زەرتحانا اشۋ تۋرالى كەلىسسوزدەر جۇرگىزىپ جاتىرمىز. ونى اشۋعا ءبىر جىلداي ۋاقىت كەتەدى دەپ ويلامىن»، - دەدى ايان ەرەنوۆ.
ايتا كەتەيىك، بۇگىن الماتىدا ق ر «Kaznex Invest» ەكسپورت جانە ينۆەستيتسيالار اگەنتتىگى مەن Zoodel ون- لاين В2В ساۋدا الاڭىنىڭ ۇيىمداستىرۋىمەن « يرانمەن بيزنەس جۇرگىزۋ» ءبىرىنشى ساۋدا- ەكونوميكالىق كونفەرەنسياسى ءوتىپ جاتىر. ۇيىمداستىرۋشىلار ەكى ەل اراسىندا مۇنداي شارا ءبىرىنشى رەت ۇيىمداستىرىلىپ وتىرعانىن ايتادى. كونفەرەنسياعا يراننان قۇرامىندا مەملەكەتتىك ورگان، بيزنەس وكىلدەرى، يران يسلام رەسپۋبليكاسىنىڭ بانكى، يران- قازاقستان ىسكەرلىك كەڭەسى، يران مەملەكەتتىك ەكسپورت- نەسيە اگەنتتىگى وكىلدەرى ەنگەن ارنايى دەلەگاتسيا كەلدى. قازاقستان مەن يراننىڭ ساۋدا اينالىمى 2016 - جىلى 600 ميلليون دوللارعا جۋىق قارجىنى قۇرادى. 2016 - جىلى يراننان قازاقستانعا 45,6 ميلليون ا ق ش دوللارىنىڭ يمپورتى كەلگەن. قازاقستان يرانعا مەتالل ونىمدەرى، ۋران، ارپا، بيداي، راپس تۇقىمدارىن ەكسپورتتاسا، يراننان قازاقستانعا حيميالىق ونىمدەر، پوليەتيلەن، مۇناي حيمياسى، قۇرىلىس زاتتارى كەلەدى.
اۆتور: الماس مۇقاش ۇلى
