بوكسشى دانيار ەلەۋسىنوۆ امەريكاعا كوشپەيتىنىن ايتتى
«مەنى امەريكاعا كوشىپ بارادى دەپ ايتىلۋدا. نەگىزى، ول دۇرىس اقپارات ەمەس. ا ق ش- قا كوشىپ بارعالى جاتقانىم جوق. امەريكاعا بارعان كۇننىڭ وزىندە، تەك دايىندىققا عانا بارىپ وتىرامىن. ال جەكپە- جەكتەردەن كەيىن ەلىمە ورالامىن. سەبەبى باسەكەلەردىڭ كوبى قىتايدا - بەيجىڭ، شاڭحاي مەن گونگكونگتە وتەتىن بولادى. امەريكادا كاسىبي بوكس جاقسى دامىعاننان كەيىن سول جەردە دايىندالعاندى ءجون كوردىك. قاسىمدا بولسىن، بالام كوز الدىمدا ءجۇرسىن دەپ، دايىندىق كەزىندە وتباسىمدى الىپ كەتەتىنىمدى ايتقان بولاتىنمىن. ءبىراق تۇبەگەيلى كوشىپ بارا جاتقان جوقپىن»، - دەدى ەلەۋسىنوۆ جۋرناليستەرگە بەرگەن سۇحباتىندا.
ونىڭ ايتۋىنشا، قازىرگى كەزدە ول اكەسىنىڭ جەتەكشىلىگىمەن ۇيدە جاتتىعىپ ءجۇر. امەريكاعا كەتەتىن ۋاقىتى ءالى بەلگىسىز. ا ق ش- قا بارعاننان كەيىن باپكەر اكەسىنىڭ قاسىنا تاعى ءبىر مامان قوسىلىپ، دانياردى بىرگە دايىندايتىن بولادى. ازىرشە، قازاقستاندىق كاسىپقوي بوكسشىنىڭ قارسىلاسى بەيمالىم.
اۆتور: ارمان اسقاروۆ
