ءمادينا ءسادۋاقاسوۆا ءوزىن كۇيەۋىمەن تابىستىرعان جاندارعا العىس ايتتى

استانا. قازاقپارات - وتاندىق جۇلدىزدار العىس ايتۋ كۇنىن پايدالانىپ وزدەرىنىڭ جاقىندارىنا راحمەت ايتۋدى باستاپ كەتتى.

ماسەلەن، ءمادينا ءسادۋاقاسوۆا جارىق دۇنيە سىيلاعان اتا-اناسىنا، ءوزىن سىيلاپ، قۇرمەتتەيتىن تىڭدارماندارىنا جانە كۇيەۋىمەن تابىستىرعان جاندارعا العىس ايتتى.

«1 -ناۋرىز- العىس ايتۋ كۇنى! اتا- اناما ماعان وسى كەرەمەت دۇنيەنىڭ ەسىگىن اشقاندارى ءۇشىن، جاقىندارىما، دوستارىما ۇنەمى جانىمنان تابىلاتىن، ونەرىمدى، ءوزىمدى قۇرمەتتەگەن تىڭدارماندارىما، التىنداي ارىپتەستەرىمە، بارىنە بارىنە ۇلكەن شەكسىز العىسىمدى ايتقىم كەلەدى! «حابار» ارناسىنا دا راحمەتىم وتە ۇلكەن. وسى عيماراتتا وسىدان 8 جىل بۇرىن ولجاسپەن تانىستىق، قازىر اللاعا شۇكىر، ءانۋار ۇلىمىز ءوسىپ جاتىر! وسى باقىتتى ءومىرىم ءۇشىن اللاعا راحمەت!» - دەيدى ءسادۋاقاسوۆا.

ايتا كەتەيىك، ءمادينا ءسادۋاقاسوۆا وسىدان بىرنەشە جىل بۇرىن تەلەارنا رەجيسسەرى ولجاس سماعۇلوۆقا تۇرمىسقا شىققان. سماعۇلوۆ ءسادۋاقاسوۆادان 6 جاسقا كىشى.

بۇل تۋرالى Stan.kz حابارلايدى.