10:36, 01 - ناۋرىز 2017 | GMT +5
ءۇش بويجەتكەن فرانسيانىڭ كۇل- تالقانىن شىعارماقشى بولدى
استانا. قازاقپارت - فرانتسيا پوليتسياسى ەل اۋماعىندا لاڭكەستىك جاساماق بولدى دەگەن كۇدىكپەن ءۇش بويجەتكەندى تۇتقىندادى دەپ حابارلايدى 24.kz.
ولاردىڭ ءبىرى - 18 جاستاعى پاريج ماڭىنداعى ليسەيدىڭ وقۋشىسى. قاۋىپسىزدىك قىزمەتكەرلەرى ونىڭ ىزىنە وتكەن جىلدىڭ جازىندا تۇسكەن. ارنايى مەكەمەنىڭ مالىمدەۋىنشە، بۇل قىزدارعا راشيد كاسيم ەسىمدى لاڭكەس باعىت- باعدار بەرىپ وتىرعان.
ولار بۇل سودىرمەن عالامتورداعى الەۋمەتتىك جەلى ارقىلى بايلانىسىپ كەلگەن. ايتا كەتەيىك، 10 اقپاندا جەرگىلىكتى پوليتسيا تاعى ءبىر ارنايى وپەراتسيا جۇرگىزىپ، «يراك جانە ليەۆانت لاڭكەستىك ۇيىمىمەن» بايلانىستى 4 ادامدى تۇتقىنداعان ەدى. ولاردىڭ اراسىندا دا 16 جاستاعى قىز بالا بولعان.
