ءماجىلىس دەپۋتاتىنىڭ ايەلى لاۋازىمدى قىزمەتكە تاعايىندالدى

استانا. قازاقپارات - ەلباسى نۇرسۇلتان نازاربايەۆ جاڭا كادرلىق تاعايىنداۋ تۋرالى قۇجاتقا قول قويدى. بۇل تۋرالى اقوردانىڭ باسپا ءسوز قىزمەتى اقپارات تاراتتى.

«مەملەكەت باسشىسىنىڭ جارلىعى بويىنشا زارەما كاۋكەن قىزى شاۋكەنوۆا قازاقستان رەسپۋبليكاسى پرەزيدەنتى جانىنداعى ستراتەگيالىق زەرتتەۋلەر ينستيتۋتىنىڭ ديرەكتورى قىزمەتىنە تاعايىندالدى»، - دەلىنگەن جارلىق ماتىنىندە.

زارەما شاۋكەنوۆا ق ر پارلامەنت ءماجىلىسىنىڭ دەپۋتاتى، ەكولوگيا جانە تابيعاتتى پايدالانۋ بويىنشا كوميتەت مۇشەسى سەرىك سەيدۋمانوۆتىڭ ايەلى. سەرىك سەيدۋمانوۆتىڭ بۇل ەكىنشى نەكەسى ەكەن.

ولاردىڭ 2005 -جىلى تۋعان سابرينا ەسىمدى قىزدارى بار. سەيدۋمانوۆتىڭ سونداي-اق، ءبىرىنشى نەكەسىنەن ءۇش بالاسى بار: انەل مەن ءسانيا (1986 جانە 1994 -جىلى تۋعان)، ۇلى ءالنۇر (1987 -جىلى تۋعان).

زارەما شاۋكەنوۆا 1965 -جىلى 29 -قىركۇيەكتە شىمكەنت قالاسىندا ومىرگە كەلگەن. 1987 -جىلى جدانوۆ اتىنداعى لەننيگراد مەملەكەتتىك ۋنيۆەرسيتەتىن بىتىرگەن. پسيحولوگيا عىلىمدارىنىڭ كانديداتى، الەۋمەتتىك عىلىمدار دوكتورى، پروفەسسور، سوتسيولوگيا اكادەمياسىنىڭ اكادەميگى. 150 دەن استام عىلىمي جانە عىلىمي- مەتوديكالىق زەرتتەۋلەردىڭ اۆتورى.

بۇعان دەيىن قازاقستان رەسپۋبليكاسى پرەزيدەنتى جانىنداعى ستراتەگيالىق زەرتتەۋلەر ينستيتۋتىن ەرلان قارين باسقارعان بولاتىن. ول جاقىندا عانا «قازاقستان» كورپوراتسياسىنىڭ باسقارما ءتوراعاسى قىزمەتىنە كىرىستى.