فرانسيا پرەزيدەنتى مىنبەردە سويلەپ تۇرعاندا مىلتىق اتىلدى - كەسكىن

استانا. قازاقپارات - فرانسيا ەل پرەزيدەنتى فرانسۋا وللاند ءسوز سويلەپ تۇرعاندا پوليتسيا مەرگەنىنىڭ مىلتىعى بايقاۋسىزدا اتىلىپ كەتتى.

قاڭعىعان وقتان داياشى جانە تاعى ءبىر قىزمەتكەر جاراقات الدى، دەپ حابارلايدى بي- بي- سي اگەنتتىگى.

وقىس وقيعا فرانسيانىڭ باتىسىنداعى ۆيلونون كوممۋناسىندا بولدى، وندا وللاند جۇردەك پويىزداردىڭ جاڭا جەلىسىن اشۋ سالتاناتى كەزىندە ءسوز سويلەپ جاتقان. وق اتىلعان كەزدە پرەزيدەنت ءسوزىن توقتاتىپ: «مەنىڭشە ايتارلىقتاي ەشتەڭە بولماعان سەكىلدى»، دەپ ءمالىم ەتتى.

جەرگىلىكتى ب ا ق- تاردىڭ حابارلاۋىنشا، مەرگەن قارۋىنىڭ وق اتىلمايتىن تەتىگىن باسۋدى ۇمىتىپ كەتكەن. زارداپ شەككەندەردىڭ ەكەۋىنىڭ دە اياعى جارالانعان. ولار قازىر اۋرۋحاناعا جەتكىزىلدى. پوليتسيا وسى وقيعاعا قاتىستى تەرگەۋدى باستادى.

 

اۆتور: جانىبەك امانگەلدى