22:10, 28 - اقپان 2017 | GMT +5
كيم چەن نام ولىمىنە كۇدىكتىنىڭ تورتەۋى - سولتۇستىك كورەيا مەملەكەتتىك قاۋىپسىزدىك مينيسترلىگىنىڭ قىزمەتكەرلەرى
استانا. قازاقپارات- سولتۇستىك كورەيا پرەزيدەنتىنىڭ باۋىرى كيم چەن نام ولىمىنە سولتۇستىك كورەيا بيلىگى جاۋاپتى. مۇنداي مالىمدەمەنى وڭتۇستىك كورەيا وكىلدەرىنە سىلتەمە جاساپ، Reuters اگەنتتىگى حابارلادى.
مالىمەتتەرگە قاراعاندا، كيم چەن نام ولىمىنە كۇدىكتى رەتىندە الىنعان 8 ادامنىڭ تورتەۋى سولتۇستىك كورەيا مەملەكەتتىك قاۋىپسىزدىك مينيسترلىگىنەن، ال ەكەۋى - سىرتقى ىستەر مينيسترلىگىنىڭ قىزمەتكەرى.
ەستەرىڭىزدە بولسا، كيم چەن نام 13 - اقپان كۇنى كۋالا- لۋمپۋر اۋەجايىندا اياقاستى كوز جۇمعان ەدى. مالايزيا دارىگەرلەرىنىڭ ايتۋىنشا، اجالعا جۇيكە جۇيەسىنىڭ جۇمىسىن توقتاتاتىن ۋ سەبەپ بولعان. قىلمىسقا بايلانىستى جەرگىلىكتى پوليتسيا ءتورت ادامدى تۇتقىنداعان. وعان قوسا، سولتۇستىك كورەيانىڭ ءتورت ازاماتىنا ىزدەۋ جاريالادى. دەگەنمەن، بۇل ەلدىڭ بيلىگى اتالعان جاعدايعا قاتىستى جاق اشىپ مالىمدەمە جاساعان جوق.
www.khabar.kz
