21:38, 28 - اقپان 2017 | GMT +5
قوستانايدا تۇقىم سەبەتىن زاماناۋي قۇرىلعى شىعارىلا باستادى
استانا. قازاقپارات- «ESSIL» ماركالى استىق جينايتىن كومباينداردى شىعارۋشى اگرو ماش حولدينگ» ا ق زاماناۋي تۇقىم سەبەتىن قۇرال شىعارا باستادى.
قوستانايلىق ماشينا جاساۋشىلار وسىلايشا بۇرىن «СЗУ-21» اتالعان تۇقىم سەپكىش قۇرال ءوندىرىسىن جاڭعىرتتى، جەتىلدىرىلگەن نۇسقاسى «التىن ءدان» دەپ اتالادى.
تۇقىم سەپكىشتى شىعارۋدى كاسىپورىن 2009 -جىلى باستاعان. سوڭعى ءۇش جىلدا زاۋىتتى قايتا جوندەۋ سادارىنان ونى شىعارۋ توقتاتىلعان. ەندى ءوندىرىستى جاڭارتۋ تۋرالى شەشىم قابىلداندى.
«قازىرگى نۇسقادا الدىڭعى كۇپشەك پەن ايىردى نىعايتتىق. بۇل كونسترۋكتسيانىڭ بەرىكتىگىن ارتتىرا ءتۇستى»، - دەدى وندىرىستىك باسقارما باستىعى ۆيكتور بوريسوۆ.
مەتالل قالىڭداتىلدى، راماسى نىعايتىلدى. ەڭبەك قاۋىپسىزدىگىن ارتتىرۋ ءۇشىن بىرەۋدىڭ ورنىنا ەكى باسپالداق ورناتتىق. 60 پايىز قاجەتتى سايماندار «اگروماشحولدينگ» ا ق الاڭىندا شىعارىلادى. زاۋىتتا سونداي- اق فرەزەرلىك، اجارلاعىش، قىرناۋ جۇمىستارى جۇزەگە اسىرىلادى.
