قىتاي بيلىگى ەكىنشى بالا ءۇشىن قارجىلاي ىنتالاندىرۋ ەنگىزۋى مۇمكىن
«رىن مين رى باۋ» گازەتىنىڭ ەلەكتروندى نۇسقاسىندا جازىلعانداي، ەل ازاماتتارى ماتەريالدىق قيىندىقتار سالدارىنان ەكىنشى بالانى ومىرگە اكەلۋدەن باس تارتۋدا.
«2015 -جىلى ساۋالناما جۇرگىزىلگەن وتباسىلىق جۇپتاردىڭ 60 پايىزى ەكونوميكالىق سەبەپتەرگە بايلانىستى ەكىنشى بالانى تۋۋدان باس تارتاتىندىعىن حابارلاعان. ق ح ر دەنساۋلىق ساقتاۋ جانە بالا تۋۋدى شەكتەۋ مەملەكەتتىك كوميتەتى باسشىسىنىڭ ورىنباسارى ۆان پەياننىڭ ايتۋىنشا، ۇكىمەت ەلدەگى وتباسىلاردىڭ ەكىنشى بالانى ومىرگە اكەلۋلەرىنە ىنتالاندىرۋ ماقساتىندا قولداۋ كورسەتىپ، سونىڭ ىشىندە اقشالاي تولەمدەر مەن سۋبسيديالار ەنگىزۋدى كوزدەۋدە»، - دەپ اتاپ وتىلەدى باسىلىمدا.
2016 -جىلى قىتايدا «ءبىر وتباسى - ءبىر بالا» ساياساتى جويىلعاننان كەيىن 17,8 ميلليون بالا ومىرگە كەلگەن. بۇل كورسەتكىش 2015 -جىلمەن سالىستىرعاندا 1,3 ميلليون بالاعا ارتقان. تۋۋ كورسەتكىشى سوڭعى 20 جىلدا ەڭ جوعارى وسىمگە يە بولعان.
