اتاقتى بوكسشى مۇحاممەد ءاليدىڭ ۇلى اۋەجايدا اراب تىلىندەگى ەسىمىنە بولا تەرگەلدى

اڭىزعا اينالعان بوكسشىنىڭ 44 جاستاعى ۇلى يامايكاداعى مونتەگو-بەي قالاسىنان ورالعان. ول جاقتا افريكا تاريحىنا ارنالعان "Black History Month" ءىس- شاراسىنا قاتىسقان ەكەن.

باسىلىم ءاليدىڭ ءوزى مەن اناسىنىڭ تەگىنىڭ ارابشا بولۋىنا بايلانىستى ۇستالعانىن جازادى. بوكسشىنىڭ ەكىنشى ايەلى بەليندا بويد يسلام ءدىنىن قابىلداعاننان كەيىن ءوزىنىڭ ەسىمىن كاماچو ءالي دەپ وزگەرتكەن ەدى.

ءاليدىڭ اناسى ءوزىنىڭ كۇيەۋىمەن تۇسكەن سۋرەتىن كورسەتكەننەن كەيىن بوساتقان. سوسىن بوكسشىنىڭ ۇلىنا ءدىن جانە شىققان تەگى تۋرالى سۇراقتار قويا باستاعان.

ادۆوكات مانچينيدىڭ ايتۋىنشا، شەكارا قىزمەتىنىڭ قىزمەتكەرلەرى ءالي نەلىكتەن يسلامدى ۇستانادى دەگەن ساۋالعا جاۋاپ تاپقىسى كەلىپتى. ادۆوكاتتىڭ ايتۋىنشا، شەكاراشىلاردىڭ مۇنداي قادامعا بارۋى ترامپتىڭ ا ق ش- قا جەتى مەملەكەتتەن بوسقىندار مەن ميگرانتتاردىڭ كىرۋىنە تىيىم سالۋىنا بايلانىستى بولۋى مۇمكىن. ول مۇحاممەدتى ەكى ساعات بويى سۇراقتىڭ استىنا الۋ ا ق ش ازاماتىنىڭ قۇقىعىن بۇزاتىن ارەكەت دەيدى. سول سەبەپتى فەدەرالدى ارىز تۇسىرمەك نيەتتە.

26 -اقپان كۇنى جاعداي تۋرالى Associated Press اگەنتتىگى جازدى. مۇندا امەريكالىق كەدەننىڭ وكىلى دانيەل حەلتەيدج بوكسشىنىڭ ۇلىن ونىڭ ءدىنى نەمەسە ارابشا تەگىنە قاراپ ەمەس، تەرگەۋگە الۋ ءۇشىن ۇستاعانىن ايتىپتى.

ال دونالد ترامپتىڭ ساياساتىن قولدايتىن Powerline بلوگىنىڭ اۆتورلارى جاعدايدىڭ ءدال سولاي وربىگەنىنە كۇمانمەن قارايتىندارىن ءبىلدىرىپتى. ولار ءوز نازارىن ادۆوكات كريس مانچينيگە بۇرعان. اۆتورلاردىڭ ويىنشا مانچيني ا ق ش- تاعى ميگراتسيالىق ساياساتقا جاۋاپ بەرەتىن ەمەس، قىلمىستىق ىستەردى قارايتىن ادۆوكات. سول سەبەپتى وعان سەنۋگە بولمايدى دەيدى بلوگ اۆتورلارى.

بارىنەن بۇرىن ولار مۇحاممەد پەن ونىڭ اناسىن كەدەنشىلەردىڭ تەرگەگەنىنە تاڭعالعان. بلوگتا ءاليدىڭ ا ق ش- تا تۋعانى جانە بۇل ەلدىڭ تولىققاندى قۇقىلى ازاماتى ەكەنى ايتىلعان. دەمەك، ەشبىر ادام وعان ميگرانت رەتىندە سۇراق قويا المايدى. باقىلاۋ بەكەتىنەن وتەر كەزدە ول تەك ءتولقۇجاتىن كورسەتسە جەتكىلىكتى. ول ءتولقۇجاتتى اۆتوماتتى تىركەۋ قۇرىلعىسىنا تيگىزەتىندىكتەن، ونىڭ ەش اداممەن تىلدەسپەۋىنە دە مۇمكىندىك بار دەيدى اۆتورلار.

سونىمەن قاتار، ولار ءاليدىڭ اناسىنىڭ كۇيەۋىمەن تۇسكەن سۋرەتىنە نازار اۋدارعان شەكاراشىلاردىڭ ارەكەتىنە نارازىلىق تانىتادى. اۆتورلاردىڭ ايتۋىنشا، شەكارا قىزمەتكەرلەرى قايداعى سۋرەتكە ەمەس، ادامنىڭ ءتولقۇجاتتاعى سۋرەتىنە قاراپ سەنىم ءبىلدىرۋى ءتيىس. سونىمەن قاتار ولار، نەلىكتەن اڭىز بوكسشىنىڭ ۇلىنىڭ ءوز اكەسىمەن تۇسكەن سۋرەتى جوق دەگەن سۇراققا دا باس قاتىرادى.

وسىلايشا Powerline مۇحاممەد ءاليدىڭ اۋەجايدا ۇستالۋىن جالعان جاڭالىق دەپ باعالاۋ كەرەك دەيدى. سەبەبى، ا ق ش ازاماتىن ءدىني سەنىمى نەمەسە شىققان تەگىنە قاراپ ۇستاپ تۇرۋعا ەشكىم دە قۇقىلى ەمەس. تيىسىنشە ترامپتىڭ بۇيرىعى دا ونىڭ بوستاندىعىن شەكتەي المايدى. ويتكەنى، كىشى مۇحاممەد ءالي بوسقىن دا، ميگرانت تا ەمەس.

بوكستان وليمپيادا چەمپيونى، اڭىز بوكسشى مۇحاممەد ءالي 2016 -جىلدىڭ 4 -ماۋسىمىندا 75 جاسىندا قايتىس بولعان ەدى. ونىڭ ارتىندا ءبىرىنشى ايەلى يولاندا جانە توعىز بالاسى قالدى.