13:09, 28 - اقپان 2017 | GMT +5
قاراعاندىدا جۇكتى ايەلدەر جەدەل جاردەمدى دابىل تۇيمەسى بار قوسىمشا ارقىلى شاقىرا الادى
قاراعاندى. قازاقپارات - قاراعاندىدا بارلىق جۇكتى ايەلدەردىڭ سمارتفونىنا جەدەل جاردەمدى شۇعىل شاقىراتىن دابىل تۇيمەسىن ورناتادى، دەپ حابارلادى «قازاقپارات» ح ا ا ءتىلشىسى. دەنساۋلىق ساقتاۋ باسقارماسىنىڭ باسشىسى ەرجان نۇرلىبايەۆ حابارلاعانداي، بۇل جوبا «SOS فۋنكسياسىمەن بوسانعانعا دەيىن قاشىقتان پاتروناج» دەپ اتالادى.
بۇل دەنساۋلىق ساقتاۋ سالاسىنا وزىق تەحنولوگيانى ەنگىزۋ، ءولىم-ءجىتىمدى ازايتۋ تۋرالى مەملەكەت باسشىسىنىڭ تاپسىرماسى اياسىندا ىسكە اسىرىلۋدا. «SOS» تۇيمەسى بار تەگىن سوفت جۇكتى ايەدىڭ سمارتفونىنا نەمەسە پلانشەتكە ورناتىلادى.
«جۇكتى ايەلدىڭ تەلەفونىنا ءتيىستى اقپارات تۇسەتىن موبيلدى قوسىمشا ورناتادى. بۇل دۇرىس تاماقتانۋ، جۇكتەمە، مەديتسينالىق باقىلاۋ كەستەسى جانە ت. ب. قامتيدى. SOS فۋنكسياسىمەن تۇيمەنى باسقان كەزدە دابىل بىردەن جەدەل جاردەم ستانساسىنا تۇسەدى»، - دەدى نۇردىبايەۆ.
