جاپونداردىڭ كيمونوسى قازاقتىڭ «كيىم» سوزىنەن شىققان با؟

 استانا. قازاقپارات - پاريجدە تۇراتىن قازاقستاندىق بەرلين يريشيەۆ جاپونداردىڭ «كيمونو» ءسوزى قازاقتىڭ «كيىم» سوزىنەن شىققان دەپ توپشىلادى.

بۇل تۋرالى ەكسپرەسس ك حابارلايدى.

«پاريجدەگى ۇلتتىق مۇراجايدا كيمونو كورمەسى ءوتىپ جاتىر. بۇل كيىم XVI عاسىردا ەدو داۋىرىندە تانىلا باستاعان. ونىڭ ءتۇرلى- تۇستىلىگى مەن قۇرىلىمىنا قاراپ ايەل قيالىنان تۋعان اسەمدىكتى كورۋگە بولادى. وسى ورايدا «كيمونو» ءسوزىنىڭ ءتۇپ- توركىنى قازاقتىڭ «كيىم» سوزىنەن شىقپادى ما ەكەن دەپ ويلاپ وتىرمىن. ايتىلۋى ۇقساس قوي» ، - دەيدى بەرلين يريشيەۆ.

مودەلەر مامانداردىڭ پىكىرىنشە، بۇل ەكى ءسوز دىبىستالۋ جاعىنان عانا ەمەس، جاسالۋى جاعىنان دا ۇقساس. جاپون مەن قازاقتىڭ ۇلتتىق كيىمىنىڭ ۇقساستىقتارى بايقالادى.

«ەكى كيىمدە ورتاق ۇقساستىقتىڭ بارى انىق. بۇرىندارى قازاقتىڭ بارلىق كيىمى جاپونداردىڭ كيمونوسى سەكىلدى ورانبالى بولعان» ، - دەيدى «ورنەك» ۇلتتىق كيىم سالونىنىڭ قىزمەتكەرى.

 

جانار داۋتوۆا

Stan.kz