سەرىك ساپيەۆ ءماجىلىستىڭ دەپۋتاتى بولدى

 استانا. قازاقپارات - وليمپيادا چەمپيونى سەرىك ساپيەۆ پارلامەنت ءماجىلىسىنىڭ دەپۋتاتى بولدى، دەپ حابارلايدى قازاقپارات.

 ورتالىق سايلاۋ كوميسسياسىنىڭ باسپا ءسوز قىزمەتى تاراتقان اقپاراتقا سۇيەنسەك، و س ك بۇگىن «نۇر وتان» پارتياسىنىڭ مۇشەسى سەرىك ساپيەۆتى قازاقستان رەسپۋبليكاسى پارلامەنتى ءماجىلىسىنىڭ دەپۋتاتى ەتىپ تىركەدى.

 «بۇگىن ورتالىق سايلاۋ كوميسسياسىنىڭ وتىرىسىندا «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ 1995 -جىلعى 28 - قىركۇيەكتەگى كونستيتۋتسيالىق زاڭىنىڭ 46-، 97-1 جانە 98-باپتارىنا سايكەس «نۇر وتان» پارتياسىنىڭ ساياسي كەڭەسى بيۋروسىنىڭ قاۋلىسى نەگىزىندە سەرىك جۇمانعالي ۇلى ساپيەۆتى قازاقستان رەسپۋبليكاسى پارلامەنتى ءماجىلىسىنىڭ دەپۋتاتى ەتىپ تىركەۋ تۋرالى شەشىم قابىلداندى» ، - دەپ حابارلانعان سايلاۋ كوميسسيا تاراتقان اقپاراتتا.

قازاقستان رەسپۋبليكاسى ورتالىق سايلاۋ كوميسسياسىنىڭ ءتوراعاسى بەرىك يماشيەۆ سەرىك ساپيەۆكە ق ر پارلامەنتى ءماجىلىسى دەپۋتاتىنىڭ كۋالىگى مەن ومىراۋعا تاعاتىن بەلگىسىن تاپسىرعانى دا حابارلانىپ وتىر.

سەرىك جۇمانعالي ۇلى ساپيەۆ 1983 -جىلى قاراعاندى وبلىسى اباي قالاسىندا تۋعان. 11 جاسىنان باستاپ بوكسقا بەيىمدەلگەن وليمپيادا چەمپيونىنىڭ قازىر حالىقارالىق سپورت شەبەرى، قازاقستاننىڭ بوكس بويىنشا ەڭبەك سىڭىرگەن سپورت شەبەرى دەگەن اتاقتارى بار.

سەرىك ساپيەۆ سونداي- اق «پاراسات» وردەنىنىڭ يەگەرى (2008 -جىل) ، «وتان» وردەنىنىڭ يەگەرى (2012) ، سپورت بويىنشا يۋنەسكو چەمپيونى اتانعان الەمدەگى 13- سپورتشى[، قازاقستاندىق ەڭ تانىمال بوكسشىلاردىڭ ءبىرى، 2014 -جىلدىڭ قاراشاسىنان باستاپ «Astana Arlans» كومانداسىنىڭ باس ديرەكتورى.

سەرىك ساپيەۆ قازاقستانعا 2012 -جىلعى لوندون وليمپياداسىندا التىن جۇلدە الىپ بەرگەن سپورتشىلاردىڭ ءبىرى. ول بەيجىڭ جانە لوندون وليمپياداسىندا بوكستان قۇراما كوماندانىڭ كاپيتانى بولعان.

 

اۆتور: كەنجەكەي توقتامۇرات قىزى