08:16, 28 - اقپان 2017 | GMT +5
ەۆروپا كوشەلەرىندە جۇرگىزۋشىسى جوق اۆتوبۋستار جولعا شىقتى - فوتو
استانا. قازاقپارات - گوللانديادا اۆتوماتتى رەجيمدە جۇمىس ىستەي الاتىن العاشقى جولاۋشىلار ترانسپورتى قولدانىسقا ەنگىزىلدى.
بۇل تۋرالى nz1.ru حابارلايدى.
ازىرگە اۆتوبۋستىڭ جايلىلىعى تۋرالى ينفراقۇرىلىمنىڭ قىزىعىن سەزىنىپ جاتقان ۆاگەنينگەن قالاسىنىڭ تۇرعىندارى عانا پىكىر ايتا الادى.
اۆتوبۋسقا WEpod دەگەن اتاۋ بەرىلگەن. EasyMile كومپانياسى كولىكتەرلدى شۆەيتساريادا جاساپ شىعارىپ جاتىر.
اۆتوبۋس سالونىنا التى ادام سىيادى.
قوعامدىق كولىك ەكى قالانىڭ ورتاسىنا وزدىگىنەن قوزعالىپ بارىپ كەلە الادى.
وكىنىشكە قاراي تاس جولداعى جىلدامدىعى ساعاتىنا 24 شاقىرىمنان اسپايدى.
جول قوزعالىسى كەزىندە ول باعىتتى باقىلاپ تۇرا الادى.
WEpod اۆتوكولىكتەرىنىڭ بارلىعى كامەرا، GPS- مودۋلمەن جابدىقتالعان.
بۇل جۇيە ارقىلى اۆتوبۋس دۇرىس باعىتتا قوزعالىپ، كەرەك جەردە توقتاپ، جىلدامدىقتى ارتتىرىپ جانە باياۋلاتا الادى.
