ەلىمىزدە جاڭا زەينەتاقى مەن جاردەماقىنىڭ كولەمى بەلگىلى بولدى

استانا. قازاقپارات - ەڭبەك مينيسترلىگى قارتتارعا ناقتى قانشا اقشا قوسىلاتىنىن ەسەپتەپ شىققان، دەپ حابارلايدى ك ت ك ارناسى.

جاڭا زاڭ بويىنشا، ەڭ تومەنگى زەينەتاقى بيىل 1 -شىلدەدەن باستاپ 45 مىڭ 711 تەڭگە، ال ورتاشا زەينەتاقى 66 مىڭ 676 تەڭگە بولادى. كەلەسى جىلى بازالىق زەينەتاقىنى ەسەپتەۋ ءادىسى دە وزگەرەدى. ەندى ازاماتتاردىڭ 1998 -جىلعا دەيىنگى جانە ودان كەيىنگى جىلدارداعى ەڭبەك ءوتىلى ەسەپكە الىنباق. سونداي-اق، بالا تۋىلعاندا بەرىلەتىن ءبىر رەتتىك جاردەماقى دا 20 پايىزعا ارتادى. بيىل قاڭتاردان باستاپ دۇنيەگە كەلگەن ءبىرىنشى، ەكىنشى، ءۇشىنشى بالاعا 71 مىڭ 270 تەڭگە تولەنۋدە. شىلدەدە بۇل سوما 86 مىڭ 222 تەڭگەگە كوتەرىلەدى ەكەن. ال ءتورتىنشى بالاسىن تۋعان اناعا ۇكىمەت 142 مىڭ 947 تەڭگە بەرمەك. ءبىراق، زەينەتاقى مەن جاردەماقى بىردەن ەمەس، كەزەڭ-كەزەڭىمەن كوتەرىلەدى.

«قاڭتاردان باستاپ 9 پايىزعا ارتتىرىلدى. وسى زاڭ جوباسىن ىسكە اسىرۋ ءۇشىن 2017 -جىلى قوسىمشا 81 ميلليارد 600 ميلليون تەڭگە كەرەك. ولار رەسپۋبليكالىق بيۋدجەتتى ناقتىلاۋ كەزىندە قاراستىرىلدى»، -  ق ر ەڭبەك جانە حالىقتى الەۋمەتتىك قورعاۋ ءمينيسترىنىڭ ورىنباسارى سۆەتلانا جاقىپوۆا.