حالىق ءارتىسى تۇڭعىشباي جامانقۇلوۆ سوت الدىندا جاۋاپ بەرە باستادى - فوتو

استانا. قازاقپارات - ال ايىپتالۋشى ورىندىعىندا جامانقۇلوۆتان بولەك فيلم رەجيسسەرى مەن تاعى ونشاقتى ادام بار.

بەيجىڭ. قازاقپارات - كەشە، الماتىدا №2 -مەدەۋ اۋداندىق سوتىندا تۇڭعىشباي جامانقۇلوۆتىڭ ءىسى بويىنشا الدىن الا سوت وتىرىسى باستالدى، - دەپ حابارلايدى Tengrinews.kz ءتىلشىسى.

سوت الدىنا توعىز ادام كەلدى: تۇڭعىشباي جامانقۇلوۆ، رەجيسسەر تالعات جانىبەكوۆ، «فەنيكس» فيلمىنىڭ اتقارۋشى پروديۋسەرى ناتاليا يۋدينا، قازاق فيلم» ا ق ەكونوميكا جانە قارجى جونىندەگى اتقارۋشى ديرەكتورى گاۋھار ىسقاقوۆا، كارتينا رەداكتورى گيزات سۇلتانوۆ، جەكە كاسىپكەر يليا كوروبەينيكوۆ، كارتينانىڭ ەكىنشى رەجيسسەرى بيجان ابىشەۆ، «فەنيكس» فيلمىنىڭ دايىندىعى كەزىندە ءتۇسىرىلىم توبىن باسقارعان ديرەكتور مارلەن ابىشەۆ، ج ش س وكىلى دانيار مارات ۇلى ءابدىقادىروۆ.

 

سوتتالعاندار تالعاد جانىبەكوۆ پەن گاۋحار ىسقاقوۆا. ەكەۋى دە قاماۋعا الىنعان.

وسىلايشا، تۇڭعىشباي جامانقۇلوۆ، ناتاليا يۋدينا، تالگاد جانىبەكوۆ، گيزات سۇلتانوۆ، گاۋھار ىسقاقوۆا قر قىلمىستىق كودەكسىنىڭ «سەنىپ تاپسىرىلعان بوتەن مۇلىكتى اسا ىرى مولشەردە قىلمىستىق توپ بولىپ يەمدەنىپ الۋ نەمەسە تالان- تاراجعا سالۋ» بابى بويىنشا كۇدىكتى بولىپ وتىر. يليا كوروبەينيكوۆ، مارلەن ابىشيەۆ، بيجان ابيشەۆ، دانيار ءابدىقادىروۆ ق ر قىلمىستىق كودەكسىنىڭ 28-بابى، 189-بابىنىڭ 5-بولىگى جانە 4-بولىگى بويىنشا ايىپتالىپ وتىر.

 

سوتتالعاندار ادۆوكاتتارىمەن بىرگە

بۇگىنگى وتىرىستى سۋديا تايمان شاكىروۆ جۇرگىزدى.

 

سۋديا تايمان شاكىروۆ.

سوتتا ءتۇرلى وتىنىشتەر ايتىلدى. ونىڭ ىشىندە ەكى سوتتالۋشىعا - جانىبەكوۆ پەن يسكاكوۆاعا تاڭدالعان بۇلتارتپاۋ شاراسىن وزگەرتۋ تۋرالى وتىنىشتەر دە بار.

 

رەجيسسەر تالعاد جانىبەكوۆ اناسىمەن بىرگە.

«سونداي- اق، ءبىز سوتقا دەيىنگى تەرگەۋدىڭ زاڭسىز باستالۋىنا قاتىستى ءوتىنىش بىلدىردىك. سەبەبى سوت ەكى قالادا دا پروتسەسسۋالدىق ارەكەتتەر جاسادى. سونداي- اق، وسى ىستە زارداپ شەگۋشى رەتىندە ق ر مادەنيەت جانە سپورت مينيسترلىگى ءوتىپ جاتىر. ءبىزدىڭ ويىمىزشا، مينيسترلىك بۇل جەردە زارداپ شەگۋشى تاراپ بولمايدى. مۇمكىن كەرىسىنشە، قارجى مينيسترلىگى مەن «قازاق فيلم»، - دەدى جانىبەكوۆتىڭ ادۆوكاتى سەرىك ايتبايەۆ.

 

جامانقۇلوۆ پەن يۋدينا.

 

ادۆوكات سەرىك ايتبايەۆ

گاۋحار ىسقاقوۆانىڭ ادۆوكاتى رەنا كەرىموۆا وسىعان دەيىن قورعالۋشىسىنىڭ دەنساۋلىعىنا بايلانىستى تەرگەۋ يزولياتورىندا بولا المايتىنىن ايتقان ەدى. سوندىقتان سوت ونى كەپىلاقىمەن بوساتقان بولاتىن. ال تاعى ءبىر ادۆوكات ەلەنا جيگالەنوك تەرگەۋ بارىسىندا گاۋحار ىسقاقوۆانىڭ كىناسىنىڭ دالەلدەنبەگەنىن ايتتى.

ايتا كەتەيىك، سوتتالۋشىلارعا قولداۋ كورسەتۋگە ءبىراز ادام كەلدى. ادامدار سوت زالىنا سىيماي، ولارعا تۇرىپ تۇرۋعا تۋرا كەلدى. سۋديا ءتىپتى ولارعا ەسكەرتۋ جاسادى.

 

تۇڭعىشباي جامانقۇلوۆ ادۆوكاتىمەن بىرگە.

تۇڭعىشباي جامانقۇلوۆ اقپارات قۇرالدارىمەن بايلانىسقا شىعۋدان باس تارتتى. سەبەبى وعان ادۆوكاتتارى تىيىم سالعان. جامانقۇلوۆتىڭ ورنىنا جۋرناليستەرمەن ونىڭ ادۆوكاتى باقىتگۇل قادىربەكوۆا سويلەستى. «ناقتى مالىمەت ايتۋعا ءالى ەرتە. ءبىز سوتتىڭ ءادىل شەشىم قابىلدايتىنىنا سەنەمىز. بۇل ماسەلەنى شەشەمىز، دالەلدەيمىز. سوتقا دەيىنگى تەرگەۋ بارىسىندا كوپتەگەن پروتسەسسۋالدىق قاتەلىكتەر كەتتى. ءبىز ءادىل شەشىم قابىلدانادى دەپ سەنەمىز»، - دەدى جامانقۇلوۆتىڭ ادۆوكاتى.

 

پروكۋرور.

ەسكە سالا كەتەيىك، 2016 -جىلدىڭ 2 -قاراشاسىندا قازاقستاندىق اكتەر تۇڭعىشباي جامانقۇلوۆ ۇستالعان بولاتىن. تەرگەۋدىڭ مالىمەتىنشە، «قازاق فيلم» ا ق- نىڭ» ت. ك. TURAN UNIVERSAL BUSINESS» ج ش س- عا فيلمنىڭ وندىرىسىنە 79 ميلليون تەڭگە بولگەنى انىقتالعان. «ونىڭ 69 ميلليون تەڭگەسىن كارتينا پروديۋسەرى تۇڭعىشباي جامانقۇلوۆ جىمقىرعان. ول - «ت. ك. TURAN UNIVERSAL BUSINESS» ج ش س- نىڭ قۇرىلتايشىسى»، - دەلىنگەن ەدى حابارلامادا.

ال كەيىنىرەك سىبايلاس جەمقورلىققا قارسى ءىس- قيمىل ۇلتتىق بيۋروسى «فەنيكس» فيلمىنىڭ تۇسىرىلىمىنە بولىنگەن قاراجاتتى جىمقىرۋ بويىنشا قىلمىستىق ءىستىڭ تەرگەۋىن اياقتاعان بولاتىن.