ۇلتتىق وليمپيادالىق كوميتەتى پرەزيدەنتى ازيا ويىندارىنىڭ جۇلدەگەرلەرىن قۇتتىقتادى
ۇ و ك پرەزيدەنتىنىڭ قۇتتىقتاۋ حاتىندا مەدال جەڭىپ الىپ، سپورت سايىستارىندا جوعارى ناتيجە كورسەتكەن سپورتشىلارعا العىس ايتىلادى. «سىزدەردىڭ ساپپوروداعى سەنىمدى ءارى جەمىستى ونەر كورسەتۋلەرىڭىز قازاقستاندىق جانكۇيەرلەرگە ۇلكەن سىيلىق بولدى. سىزدەردىڭ جەڭىستەرىڭىز قازاقستاندىق جاس سپورتشىلاردىڭ زور الەۋەتى مەن بولاشاعىن دالەلدەپ بەردى. سىزدەردىڭ بويلارىڭىزداعى شەبەرلىك، جىگەرلىلىك، قايسار مىنەز حالىقارالىق ارەنادا ءبىزدىڭ ەلدىڭ نامىسىن ابىرويمەن قورعاۋعا مۇمكىندىك بەردى. دارىندى سپورتشىلار وسى جەڭىستەرىنىڭ ارقاسىندا ەسىمدەرىن قازاقستاندىق جوعارعى جەتىستىكتەر سپورتى تاريحىنىڭ تاعى ءبىر جارقىن پاراعىن جازىپ وتىر. وسىناۋ جەتىستىككە جەتۋدە سپورتشىلاردىڭ دايىندىعىنا زور ۇلەستەرىن قوسقان جاتتىقتىرۋشىلار مەن مامانداردىڭ دا ەڭبەگى زور. ءبىز سىزدەردى شىن جۇرەكتەن قۇتتىقتاپ، الداعى جارىستاردا ساتتىلىك تىلەيمىز!»، - دەدى تيمۋر قۇلىبايەۆ.
2017 -جىلعى ساپپوروداعى VIII قىسقى ازيا ويىندارىندا قازاقستان 9 التىن، 11 كۇمىس، 12 قولا مەدال جەڭىپ الىپ، جالپى ەسەپتە 4- ورىن الدى.
