قازاق بوكسشىلارى بولگاريادا شەبەرلىكتەرىن دالەلدەدى - فوتو

قىزىلوردا. قازاقپارات - بولگاريانىڭ سوفيا قالاسىندا وتكەن «ستراندجا» اتتى حالىقارالىق بوكس تۋرنيرىندە قىزىلوردالىق بىلعارى قولعاپ شەبەرلەرى جاقسى ونەر كورسەتىپ، ەل ابىرويىن اسقاقتاتتى، دەپ حابارلادى قازاقپارات ح ا ا ءتىلشىسى وبلىستىق دەنە شىنىقتىرۋ جانە سپورت باسقارماسىنا سىلتەمە جاساپ.

جارىسقا قازاقستاننان 7 سپورتشى قاتىسىپ، سىر ەلىنىڭ بوكسشىلارى عانا وزدەرىنىڭ مىقتىلىعىن دالەلدەدى. اتاپ ايتقاندا، 75 كەلى سالماقتا سىنعا تۇسكەن تۇرسىنباي قۇلاحمەتوۆ فينالدا بولگار سپورتشىسىن 5:0 ەسەبىمەن جەڭىپ، تۋرنيردىڭ جەڭىمپازى اتاندى.

ال 91 كەلىدەن جوعارى سالماق دارەجەسىندە قامشىبەك قوڭقابايەۆ قولا جۇلدەنى ەنشىلەدى.  قىزىلوردا وبلىسىنىڭ جوعارى سپورت شەبەرلىگى مەكتەبىندە ءتالىم الاتىن قوس سپورتشىنى جارىسقا عالىم بايعۇنديەۆ پەن ءجامىل ءجۇسىپوۆ دايىندادى.

سپورتشىلار الداعى ۋاقىتتا وزبەكستاندا وتەتىن ازيا چەمپيوناتىنا دايىندالۋدا.

اۆتور: ەلۋباي اۋەزوۆ