اۆستراليا مەن يندونەزيا اراسىندا اسكەري ارىپتەستىك قالپىنا كەلدى

استانا. قازاقپارات - اۆستراليا مەن يندونەزيا بيلىگى مەملەكەتارالىق اسكەري ارىپتەستىكتى قايتا جانداندىردى. بۇل تۋرالى قوس ەل باسشىسىنىڭ كەزدەسۋىنەن كەيىن ءمالىم بولدى.

 اسكەري بايلانىس قاڭتار ايىندا توقتاعان ەدى. وعان يندونەزيا جاۋىنگەرلەرىنىڭ اۆسترالياعا تيەسىلى اسكەري بازادان وزدەرىن ماسقارالايتىن جازبا تاۋىپ الۋى سەبەپ.

 وندا يندونەزيا قۇرامىنداعى پاپۋا پروۆينتسياسىنىڭ تاۋەلسىزدىك الۋىنا مۇمكىندىك بارى ايتىلعان. وسىدان كەيىن قوس تاراپ اراسىندا كيكىلجىڭ تۋدى. دەگەنمەن اقپان ايىندا اۆستراليا اسكەريلەرى ءوز قاتەسىن مويىنداپ، كەشىرىم سۇراعاندىقتان جاعداي قالپىنا كەلە باستاعان. اۆسترالياعا پرەزيدەنت رەتىندە العاشقى ساپارىن جاساعان يندونەزيا باسشىسى دجوكو ۆيدودو اۆستراليا پرەمەر- مينيسترىمەن كەزدەسكەن. قوس ەل باسشىسى كەزدەسۋ بارىسىندا قاۋىپسىزدىك پەن ەكونوميكالىق ارىپتەستىك جانە ساۋدا اينالىمى ماسەلەلەرى جايىن تالدادى. وتكەن جىلى ەكى مەملەكەت اراسىنداعى تاۋار اينالىمى 15 ميلليارد 300 ميلليون ا ق ش دوللارىنا جەتتى.

www.24.kz