تۇركيادا ءولىم جازاسى قايتا ەنگىزىلۋى مۇمكىن

استانا. قازاقپارات - تۇركيادا ءولىم جازاسى قايتا ەنگىزىلۋى مۇمكىن. مەملەكەت باسشىسى رەجەپ تايىپ ەردوعان مانيسا قالاسىنىڭ تۇرعىندارىمەن كەزدەسۋىندە: «ەگەر بۇل زاڭ جوباسى پارلامەنتتەن وتسە، مەن ونى بەكىتۋگە ءازىرمىن» دەپ مالىمدەدى.

 بۇعان دەيىن تۇركيا پرەزيدەنتى بىلتىر شىلدەنىڭ 15- كۇنى بولعان توڭكەرىس ارەكەتىنە قاتىسقان بۇلىكشىلەردى ءولىم جازاسىنا كەسۋگە شاقىرعان بولاتىن. الايدا جازانىڭ بۇل ءتۇرىن قولدانۋ كونستيتۋتسياعا وزگەرىس ەنگىزۋدى تالاپ ەتەدى. تۇركيادا ءولىم جازاسى ەڭ سوڭعى رەت 1984 -جىلى قولدانىلعان. ەۋرو وداق مۇشەلىگىنە قابىلدانۋ تالاپتارىنا سايكەس ول 2004 -جىلى الىنىپ تاستالدى.

 رەجەپ تايىپ ەردوعان، تۇركيا رەسپۋبليكاسىنىڭ پرەزيدەنتى:

 - پارلامەنت ءولىم جازاسىن قولدانۋ تۋرالى زاڭ جوباسىن قابىلداسا، مەن ونى بەكىتۋگە ءازىرمىن. ءبىراق الدىمىزدا ءبىر ماسەلە بار. بۇل وزگەرىس كونستيتۋتسياعا تۇزەتۋ ەنگىزۋدى تالاپ ەتەدى. ەگەر ول پارلامەنتتەن وتپەي قالعان جاعدايدا بۇل باستاماعا بايلانىستا تاعى ءبىر حالىقتىق رەفەرەندۋم ۇيىمداستىرامىز. ناتيجەسىندە حالىقتىڭ دەگەنى بولادى.

www.24.kz