مىرزاتايدىڭ ديماشقا باتاسى: تانىمالدىلىعىڭدى كوتەرەتىن بول
دەپ حابارلايدى قازاقپارات.
«اللا تاعالانىڭ قازاقتىڭ ماڭدايىنا بەرگەن انشىلەرى كوپ بولدى. ءبىراق، ولاردىڭ كوبى بۇگىنگى ديماش سياقتى شەكارا اسىپ، بۇكىل الەمدى تاڭ قالدىرا الماعان. ويتكەنى، مۇمكىندىكتەرى بولمادى. امىرە قاشاۋبايەۆ قانا پاريجگە بارىپ ءان سالدى»، - دەگەن مىرزاتاي جولداسبەك ديماشقا «وسى تانىمالدىلىقتى كوتەرە ءبىل» دەگەن اقىلىن ايتتى.
«قوي كورمەگەن كورگەنسىز قۋالاپ ءجۇرىپ ولتىرەدى» دەگەندەي، ديماش وسىنى كوتەرىپ كەتسە جاقسى بولار ەدى... سەن (ديماشقا قاراتا ايتقان سوزىندە - اگەنتتىك) كوتەرىپ كەتۋىڭ كەرەك، ويتكەنى، حالىق سەنەن ۇلكەن ءۇمىت كۇتىپ وتىر. الدىڭدا تالاي جارىس بار»، - دەپ باتاسىن بەردى.
ايتا كەتەيىك، ءانشى ديماش قۇدايبەرگەن بۇگىن قازاق ۇلتتىق ونەر اكادەمياسىندا ءوز ۇستازدارىمەن جانە دوستارىمەن كەزدەستى.
اۆتور: كەنجەكەي توقتامۇرات قىزى
