قازاقستاندا ەكپەدەن باس تارتۋ جيىلەپ بارادى

استانا. قازاقپارات - قازاقستاندىقتاردىڭ ۆاكسينادان باس تارتۋى فاكتىلەرى جيىلەپ بارادى. بۇل تۋرالى «قازاقپارات» اگەنتتىگىنىڭ ساۋالىنا ق ر دەنساۋلىق ساقتاۋ مينيسترلىگىنەن حابارلادى.

جالپى، ەلىمىزدە دۇنيەجۇزىلىك دەنساۋلىق ساقتاۋ ۇيىمى ۇسىنىسى بويىنشا حالىقتىڭ ءتيىستى ماقساتتا توپتارى ەكپەمەن قامتىلعان.

«سونىمەن بىرگە سوڭعى 10 جىلدا ەكپەدەن باس تارتۋدىڭ جاعدايلارى ارتقاندىعى بايقالدى. نەگىزىنەن، ءدىني كوزقاراس پەن جەكە پىكىرلەر بويىنشا ەكپە جاساماي وتىر، سونداي- اق بۇقارالىق اقپارات قۇرالدارىندا مالىمەتتەردى تەرىس جاعىنان تاراتۋ جاعدايلارى ىقپال ەتۋدە. اتاپ ايتقاندا، 2006 -جىلدا باس تارتقاندار سانى 1 مىڭ بولسا، 2016 -جىلى بۇل كورسەتكىش  9685-كە دەيىن جەتتى»، - دەلىنگەن ۆەدومستۆو حابارلاماسىندا.

 سونىمەن بىرگە، دەنساۋلىق ساقتاۋ مينيسترلىگى 2016 -جىلى ينفەكتسيالىق اۋرۋلاردىڭ الدىن الۋ تۇرعىسىندا 2017-2019 -جىلدارعا ارنالعان حالىقتى الەۋمەتتىك جۇمىلدىرۋدىڭ ۆەدومستۆوارالىق جوسپارى بەكىتىلگەنىن اتاپ ءوتتى. اتالعان جوسپاردا ۆاكسينالاۋ ماسەلەلەرى بويىنشا حالىق اراسىندا ءتۇسىندىرۋ جۇمىستارىن جۇرگىزۋ قامتىلعان. سونىمەن قاتار ەكپە جاساۋ شارالارىن قاۋىپسىز وتكىزۋدە مەديتسينالىق قىزمەتكەرلەردى وقىتۋ جۇمىستارى دا ەسكەرىلگەن. ءاربىر ۆاكسينانى ءوندىرۋشى ەكپەنى قولدانۋ بويىنشا ءتيىستى نۇسقامانى بىرگە ۇسىنادى، ياعني وندا پرەپاراتتىڭ جاناما اسەرى دە كورسەتىلەدى.

اۆتور: رۋسلان عابباسوۆ