استانادا ساۋنانى جەزوكشەلەرگە جالعا بەرگەن اكىمشى ۇستالدى

استانا. قازاقپارات - استانا ءى ءى د جەرگىلىكتى پوليتسيا قىزمەتىنىڭ قىزمەتكەرلەرى جەزوكشەلىكپەن اينالىسۋعا عيماراتتى ۇسىنعان ساۋنا اكىمشىسىن ۇستادى.

بۇل جايىندا ىشكى ىستەر دەپارتامەنتى باسپا ءسوز قىزمەتىنىڭ مالىمەتىندە ايتىلعان، دەپ حابارلايدى قازاقپارات.

«1968 -جىلى تۋعان ازامات جەزوكشەلىكپەن اينالىسۋ ءۇشىن كەلگەن 1991، 1993، 1994 -جىلعى جاس قىزدارعا عيماراتتى جالعا بەرگەن. ءوز كەزەگىندە عيمارات اكىمشىسى بۇنداي قادامعا ساۋنادا كليەنتتەر مۇلدەم بولماعاننان كەيىن بارعانىن ايتىپ اقتالۋدا»، - دەپ اتاپ وتىلگەن حابارلامادا.

ق ر ا ق ب ت ك 450- بابىندا ەسكەرىلگەن قۇقىق بۇزۋشىلىق ءۇشىن، ياعني جەزوكشەلىكپەن اينالىسۋعا عيماراتتى بەرگەنى ءۇشىن سوت 49 جاستاعى ەر ازاماتتان 100 ا ە ك (226900 تەڭگە) كولەمىندە ايىپپۇل ءوندىرىپ الۋ ۇكىمىن شىعاردى. جىل باسىنان بەرى استانا ءى ءى د جەرگىلىكتى پوليتسيا قىزمەتى ق ر اكىمشىلىك قۇقىق بۇزۋشىلىقتار تۋرالى كودەكستىڭ 450-بابى بويىنشا 7 اكىمشىلىك قۇقىق بۇزۋشىلىقتى انىقتادى، ال 2016 -جىلى وسىنداي 42 قىلمىس بەلگىلى بولدى.

اۆتور: رۋسلان عابباسوۆ