جەتى جارىم ساعاتتىق دەرەكتى فيلم «وسكار» سىيلىعىن الدى

استانا. قازاقپارات - امەريكالىق فۋتبولدىڭ كاسىبي ويىنشىسى جانە اكتەر و. جەي سيمپسون تۋرالى تۇسىرىلگەن «و. جەي: امەريكادا جاسالعان» كارتيناسى «ۇزدىك دەرەكتى تولىق مەتراجدى فيلم» نوميناتسياسى بويىنشا «وسكار» سىيلىعىن الدى، دەپ جازدى Gazeta.ru.

فيلمنىڭ ۇزاقتىعى 7,5 ساعاتتى قۇرايدى. وسىلايشا، ول «وسكار» العان ەڭ ۇزاق فيلم رەتىندە تاريحتا قالدى. بۇل سىيلىق ءۇشىن «وت ىشىندەگى تەڭىز»، «مەن نەگر ەمەسپىن»، «انيماتسيالانعان ءومىر» جانە «ون ءۇشىنشى» فيلمدەرى تالاسقا تۇسكەن ەدى.

امەريكانىڭ كينەماتوگرافيالىق ونەر جانە عىلىم اكادەمياسىنىڭ 89- وسكار سىيلىعىن تاپسىرۋ ءراسىمى لوس- اندجەلەستە «دولبي» تەاترىندا ءوتىپ جاتىر.