قانات يسلام: قاباعىم جارىلعاندا ءبىر سەكۋند ىشىندە ەلىمدى ويلادىم
بۇگىن بوكسشى قازاقستانعا ورالدى. الماتىنىڭ اۋەجايىنا قاناتتىڭ جانكۇيەرلەرى مەن ەڭ جاقىن تۋىستارى كەلدى. بوكسشى روبسون اسسيسپەن جەكپە- جەگى جايلى ايتىپ بەردى.
«قازاقتىڭ ابىرويى، ەلدىڭ، كوك تۋدىڭ جىعىلماۋى مەن ءۇشىن ۇلكەن ماقسات. ءبىرىنشى راۋندتا ونداي بولادى دەپ ويلاعان جوقپىن. قاباعىم جارىلعان كەزدە بۇكىل ەسىل- دەرتىم، ءبىر سەكۋندتىڭ ىشىندە مەن بۇكىل ەلىمدى ويلاپ كەتتىم سول جەردە. ونداي كەزدە ون ەكى راۋندقا سالاتىن كۇشتى ءبىر راۋندقا سالۋ كەرەك. نە بار، نە جوق. سونداي شەشىم قابىلداۋىڭ كەرەك»، - دەپ اڭگىمەلەدى قانات يسلام "قازاقستان" ارناسىنىڭ تىلشىلەرىنە بەرگەن سۇحباتىندا سوڭعى جەكپە-جەگى جايلى.
ايتا كەتەيىك، ءبىرىنشى ورتا سالماقتاعى WBO Intercontinental جانە WBA Federatin تۇجىرىمدارى بويىنشا چەمپيون قانات يسلام 18 -اقپاندا وتكەن كەزدەسۋدە برازيليالىق روبسون اسسيستى ءبىرىنشى راۋندتا نوكاۋتقا تۇسىرگەن بولاتىن.
