يلحام اليەۆتىڭ ايەلى ۆيتسە-پرەزيدەنت لاۋازىمىنداعى مىندەتتەرى جايىندا ايتتى

استانا. قازاقپارات - ازەربايجان كوشباسشىسىنىڭ ايەلى، ەلدىڭ ءبىرىنشى ۆيتسە-پرەزيدەنتى مەحريبان اليەۆا الەۋمەتتىڭ ماسەلەلەردى شەشۋمەن شۇعىلداناتىندىعىن اتاپ ءوتتى.

«مەنىڭ تىلەگىم - بارىنشا حالىقتىڭ الەۋمەتتىك ماسەلەلەرىن، الەۋمەتتىك جاعدايى تومەن جانداردىڭ ماسەلەلەرىن شەشۋمەن اينالىسۋ»، - دەپ ءمالىم ەتتى اليەۆا «ۆەستي نەدەلي» تەلارناسىندا دميتري كيسەليەۆكە بەرگەن سۇحباتىندا.

ونىڭ سوزىنە قاراعاندا، ەلدىڭ ءبىرىنشى ۆيتسە- پرەزيدەنتى لاۋازىمىنا تاعايىنداۋ جونىندەگى شەشىم - ازەربايجان پرەزيدەنتىنىڭ جەكە باستاماسى. «ارينە، ۇزاق جىلدار بويى مەن تەك جۇبايى عانا ەمەس، پرەزيدەنتتىڭ سەرىكتەسى بولدىم»، - دەپ اتاپ ءوتتى اليەۆا.

«مەنىڭ نەگىزگى كۇمانىم، وزىمە جۇكتەلگەن جاۋاپتى ءىستى قانداي دەڭگەيدە اتقارا الاتىندىعىم توڭىرەگىندە بولدى»، - دەپ قوستى ول. بۇدان بۇرىن حابارلانعانداي، 21 -اقپاندا پرەزيدەنت يلحام اليەۆ مەحريبان اليەۆانى ازەربايجاننىڭ ءبىرىنشى ۆيتسە-پرەزيدەنتى ەتىپ تاعايىنداۋ تۋرالى وكىمگە قول قويعان بولاتىن.

اۆتور: ەرلان قوجاكەلديەۆ