چاۆەستىڭ جانكۇيەرلەرى الۆارەستى گولۆكيننەن قاشىپ جۇرگەنى ءۇشىن كەلەمەجدەدى

 استانا. قازاقپارات - مەكسيكادا وتكەن شارالاردىڭ بىرىندە كىشى حۋليو سەزار چاۆەستىڭ جانكۇيەرلەرى ساۋل «كانەلو» الۆارەستى قازاقستاندىق بوكسشى گەننادي گولۆكيننەن قاشىپ جۇرگەنى ءۇشىن كەلەمەجگە اينالدىردى، دەپ حابارلايدى قازاقپارات ءتىلشىسى الەۋمەتتىك جەلىدەگى «قازاقستاننىڭ كاسىبي بوكسى» توبىنا سىلتەمە جاساپ.

بوكس جانكۇيەرلەرى باسپا ءسوز ءماسليحاتىنا ارنايى باننەردى جاساپ كەلدى. شارا بارىسىندا فاناتتاردىڭ ءبىرى «وسكار اكە، مەنى GGG- دان قورعاپ قالشى» دەگەن جازۋى بار ترانسپورانتتى كوتەرىپ ءجۇردى. ونىمەن جانكۇيەرلەر ءوز جەرلەستەرى ساۋل «كانەلو» الۆارەس پەن ونىڭ پروموۋتەرى وسكار دە لا حويانىڭ GGG- گە قارسى جەكپە- جەكتەن قاشىپ جۇرگەندەرىن سىنعا الىپ، كەلەمەج ەتتى.

ايتا كەتەيىك، ساۋل الۆارەس پەن حۋليو سەزار چاۆەس اراسىنداعى جەكپە- جەك مامىردىڭ 6-سى كۇنى ا ق ش- تا وتەدى. بۇعان دەيىن كىشى چاۆەستىڭ ءوزى الۆارەستىڭ GGG- دەن قاشىپ جۇرگەنى جايىندا اشىق ايتقان. ال جانكۇيەرلەرى الدىندا ۇياتقا قالماۋ ءۇشىن چاۆەستى تاڭداعان. بۇگىندە وسكار دە لا حويا دا، ساۋل الۆارەس تە گەننادي گولوۆكينگە ەڭ ءىرى سوماعا ۇسىنىس جاساپ، كەلىسىمشارتتىڭ ءبىر نۇسقاسىن جىبەرگەندەرى جايىندا ايتىپ جاتىر.

الايدا ول ۇسىنىستا 15 ميلليون دوللار كولەمىندەگى گونوراردان ارتىق ەشتەڭە بەرىلمەيدى دەپ جازىلعان كورىنەدى. GGG- دىڭ كومانداسى وعان كەلىسپەي وتىر.

سەبەبى ول جەكپە-جەكتەن ودان دا ارتىق تابىس تابۋعا بولادى. بوكس ساراپشىلارىنىڭ ايتۋىنشا، الۆارەس ورىنداۋعا كەلمەيتىن تالاپتاردى قويىپ، ۋاقىتتى بارىنشا سوزۋدى كوزدەيدى. ال ەكەۋىنىڭ جاس ايىرماشىلىعىن ەسكەرسەك، ۋاقىتتىڭ وتكەنى مەكسيكالىق بوكسشىعا ءتيىمدى. قازىرگى كەزدە ساۋل الۆارەس 26 جاستا، ال گەننادي گولوۆكين بيىل 35 كە كەلەدى.

اۆتور: ارمان اسقاروۆ