15:28, 26 - اقپان 2017 | GMT +5
ارىستان شابۋىلىنان كەيىن جاپونيا زووباعى جۇمىسىن ۋاقىتشا توقتاتتى
استانا. قازاقپارات - جەكسەنبى كۇنى كومورو قالاسىنىڭ (ناگانو پرەفەكتۋراسى) زووباعىنداعى باقىلاۋشىعا ارىستان باس سالدى.
قۇتقارۋشى قىزمەتتىڭ حابارلاۋىنشا، وقيعا سالدارىنان 22 جاستاعى قىز ايتارلىقتاي زارداپ شەككەن، دەپ حابارلادى رەسەيلىك تاسس اگەنتتىگى.
قازىرگى ۋاقىتتا ول اۋرۋحانادا جاتىر، كوپ قان جوعالتقاندىقتان، ءحالى وتە اۋىر. وقيعا جىرتقىش قامالاعان تور ءىشىن تازالاۋ كەزىندە بولعان. بۇل ۋاقىتتا ارىستان باسقا ورىنعا اۋىستىرىلۋى ءتيىس ەدى، الايدا بۇل ءتارتىپ ساقتالماعان. باسشىلىق زووباق جۇمىسىن ۋاقىتشا توقتاتۋدى ۇيعاردى.
